amalinks wokungena

Breaking News

Alitshisi Nje, Likhupha Inhlanzi Emanzini eZimbabwe ...


Zimbabwe

Kutshisa okumangalisayo emanzweni asemhlubulweni wangezansi yezwekazi leAfrica okugoqela eleZimbabwe.

Isikhudumezi lezi sikhangelelwe ukuba khona ize iyephela linyanga kaMfumfu.

Umanyano wamazwe awe Southern African Development Community wethule umbiko wokuxwayisa uzulu ukuthi azivikele ukutshiswa lilanga kanye lokuhlala enatha amanzi ahlanzekileyo ukuze azivikele emikhuhlaneni engalethwa yikutshisa lokhu.

UMnu. Simphilisiwe Makanda, isakhamuzi sakoBulawayo, uthi wesabela ukuthi ukutshisa lokhu kungaletha imikhuhlane ebantwini.

Esinye njalo isakhamuzi sakoBulawayo, uMnu. Chris Nyathi, uthi loludubo soluhlangene lokusilela kwamanzi.

Omunye wamakhosikazi akoBulawayo, uLinda Mpofu, uthi kunje usegulelwa ngumtwana ngenxa yokutshisa okukhona.

“Mina ngigulelwe ngumtwana nge-weekend yonale ngenxa yokutshisa. Ubesithi engadla ahle akhiphe konke ukudla akudlile. Ekilinika bathi ngimuphe amanzi etshukela lesawudo. Mina ngibona ukutshisa lokhu sekudlulisile kakhulu. Yebo kambe abadala bathi ukutshisa lokhu kuzaletha izulu kodwa sesithwele nzima ngokutshisa lokhu.”

Omunye wezakhamuzi zakoBulawayo, uNkosikazi Noleen Mafu, uthi laloba ukutshisa kuletha imikhuhlane, sebelethemba lokuthi izulu mhlawumbe lizakuna lonyaka.

Amazwe agoqela iZimbabwe, Mozambique, Botswana, DRC, Angola, Botswana lele Malawi ahlaselwe yilesi sikhudumezi esifika 30 kusiya ku 40 sama Degree Celsius.

please wait

No media source currently available

0:00 0:03:37 0:00

Facebook Forum

XS
SM
MD
LG