amalinks wokungena

Breaking News

UHopewell Chin'ono Walelwa Ukuba Ahlawule Isibambiso seBail


Journalist Hopewell Chin'ono ukhuluma legqwetha lakhe, uMnu. Harrison Nkomo, owenhlanganiso yeZimbabwe Lawyers for Human Rights. (Columbus Mavhunga/VOA)

Idale lika mantshi eHarare ngoLwesine liyalile isicelo sentathelizindaba esebenza izimele, uHopewell Chin’ono, sokuthi ahlawule isibambiso se-bail ukuze athonisiswe esuka ngekhaya ngemva kokubotshwa kwakhe ngoLwesihlanu ngeviki ephelileyo esetheswa icala lokwethula amanga enkundleni yeTwitter.

UMantshi Lazini Ncube uthi kulobufakazi obukhulu kakhulu obuveza ukuba ngempela walidala icala leli.

UChin’ono wetheswa icala lokwethula udaba lokuthi kulomntwana owatshaywa lipholisa wabhubha ebelethwe ngunina. Amapholisa athi lokhu kungamanga.

Igqwetha likaChin’ono, uMnu. Paidamoyo Saurombe, owenhlanganiso yamagqwetha alwela ilungelo loluntu eyeZimbabwe Lawyers for Human Rights uthi bazakuphikisa okwethulwe ngumantshi emthethwandaba waphezulu.

Kusenjalo, abalondoloza izibotshwa akade behlomile ngembhobho yama AK47 abohlangothi lweZimbabwe Prison and Correctional Services kubikwa ukuba behlasele enye intathelizindaba esebenza izimele, uFrank Chikowore, ebisethethwandaba weHarare Magistrate Court isenza umsebenzi wayo.

Lesi sehlakalo sethusa intathelizindaba eZimbabwe.

UChikowore ubethatha imifanekiso lamavideo ekufikeni kuka Hopewell, umsekeli womgcinisihlalo weMDC Alliance uMnu. Job Sikhala lezinye izibotshwa kulo umthethwandaba ngesikhathi imota ebithwelele izizibotshwa ifika ivela eChikurubi Maximum Prison.

Lokhu kufakazwa ngokuyivideo okufitshane uChikowore akuthetheyo ngesikhathi efuqwa ngolondoloza izibotshwa.

UChikowore walile ukwethuselwa watshela umahlasela ukuba enze akufunayo njengoba yena engasoke asuke lapho kade ethatha ivideo yakhe ekhona. Omunye njalo olondoloza izibotshwa ubikwa enguye ohluthune umakhalekhukhwini kaChikowore akade ewusebenzisa ukuthatha leyo video kanye lezithombe.

Lesi senzo sisolwe kakhulu zinhlanganiso ezimela intathelizindaba ezigoqela eyeYoung Journalists Association Zimbabwe.

Udaba Esilethulelwe NguMavis Gama
please wait

No media source currently available

0:00 0:05:33 0:00


Facebook Forum

XS
SM
MD
LG