amalinks wokungena

Breaking News

Human Rights Watch: Sokumele iSADC leAfrican Union Zingenele Kwele Zimbabwe


Abanye ababotshiweyo eZimbabwe

Inhlanganiso elwela amalungelo kazulu eyeHuman Rights Watch ithi kumele inhlanganiso yeSouthern African Development Community (SADC) leye African Union zingenele kwele Zimbabwe ukwenzela ukunqabela ukuthunjwa lokutshaywa kwabantu abaphikisa uhulumende kaMongameli Emmerson Mnangagwa.

Embikweni osanda kwethulwa, iHuman Rights Watch ithi kulabantu abafika amatshumi ayisithupha – 60 - abagoqela intathelizindaba uHopewell Chin’ono, uMnu. Jacob Ngarivhume webandla leTransform Zimbabwe, uTawanda Muchehiwa labanye abathwaliswe nzima nguhulumende weZimbabwe.

Umqondisi wenhlanganiso le ezansi yezwekazi leAfrica, uMnu. Dewa Mavhinga, uthi sesifikile isikhathi esokuthi iSADC leAU zingengele eZimbabwe ngoba uhulumende wephula amalungelo kazulu, ikakhulu awabantu okukhanya bekhuthaza abanye ukuthi batshengisele emigwaqweni ekupheleni kuka Ntulikazi besola ubukhohlakali, ukugugudeka komnotho lokunye.

UMavhinga uthi abaphikisa uhulumende sebesesaba lokukhuluma abakufisayo njalo abanye bacatshele abezomvikela ngenxa yokuthi kuthiwa bakhuthaza uzulu ukuthi ahlamukele uhulumende kaMnangagwa.

Abantu laba bagoqela uMnu. Mduduzi Mathuthu, umhleli weZimLive, uMnu. Mthulisi Hanana okunhlanganiso yeDumiso Dabengwa Foundation, olwela amalungelo kazulu uMnu. Josphat Mzaca Ngulube, uMnu. Discent Collins Bajila okubandla leMDC Alliance labanye bakhe, lezinye izizalwane zeZimbabwe eziphikisa uhulumende.

Kodwa-ke umabhalane omkhulu wohlangothi lukahulumende olubona ngokwethulwa kwemibiko, uMnu. Nick Mangwana, uthi abantu abangamahlongandlebe abasebenza lamazwe entshonalanga bakhuthaza uzulu ukuthi ahlamukele uhulumende.

Facebook Forum

XS
SM
MD
LG