amalinks wokungena

Breaking News

Human Rights Watch: Amalungelo Abantwana Ayephulwa Emasimini Egwayi


Abantwana abakhulume lalinhlanganiso babikwa besithi bafikelwa yisiyezi, kwesinye isikhathi behlanze nxa besebenza emasimini egwayi.

Inhlanganiso elwela amalungelo oluntu eyeHuman Rights Watch ithi kulokwephulwa kwamalungelo abantu abalima igwayi, ikakhulu abantwana, ngoba behlukuluzwa, njalo besebenza bengelampahla zokubavikela emkhuhlaneni ebangelwa yilumsebenzi.

Embikweni ewethule ngoLwesine, inhlanganiso le ikhuthaze uhulumende ukuthi alungisise loludaba, njalo yaxwayisa amankampani ukuthi engathengi igwayi elilinywe ngabantwana ngoba bencindezelwa.

Abantwana abakhulume lalinhlanganiso babikwa besithi bafikelwa yisiyezi, kwesinye isikhathi behlanze nxa besebenza emasimini okulima igwayi.

Ukuhlaziya lumbiko ngokugcweleyo, sixoxe loMnu. George Nkiwane, ingcwethi ecubungula eziphathelane lezisebenzi, njalo owayengumkhokheli wenhlanganiso ye Zimbabwe Congress of Trade Unions, yena okhuluma ezimele.

UMnu. Nkiwane uthi wazibonela ngawakhe ekuZCTU ukuthi ngempela amalungelo abantwana ayephulwa, ikakhulu emapulazini. Uthi uhulumende uvame ukusola ukusetshenziswa kwabantwana ngabaqhatshi.

please wait

No media source currently available

0:00 0:02:47 0:00

Facebook Forum

XS
SM
MD
LG