BULAWAYO —
Uhlangothi lwenhlanganiso yomanyano wamazwe womhlaba olukhangela ezokulima olwe Food and Agriculture Organisation solusungule isikhwama semali engaphezu kwezigidi eziyisitshiyagalolunye zamadola-$9,1 million, sokuphathisa ukufuywa kwenkomo eziqintini zeNkayi leLupane.
I$9.1 million le ikhangelelwe ukuphathisa abalimi abakuziqinti lezi ukwengeza inani lenkomo zabo, ukulungisa amadibha, ukwengeza inani lendawo zamanzi okunatha kanye lendawo zokugcina inkomo ezimelele ukuyathengiswa.
Imali le iza ngesikhathi ilizwe lidinga ukuvuselela ukufuywa kwenkomo obesekwehlile kulandela uhlelo lokwabiwa kutsha komhlabathi kanye lendlala ebekhona kuminyaka esanda kudlula.
NgoMpalakazi nyakenye iFAO yethula isikhwama esifanayo ukuphathisa abafuya inkomo esigabeni seMatabeleland South.
Ingcitshi kwezokufuya inkomo kunhlanganiso le, uMnumzana Burzil Mugweni, ithi isikhwama lesi sijonge ukuphathisa abalimi abadinga ukukhula ukuze abantu bakulumango benelise ukuphila ngezifuyo zabo njalo bathole ukudla okwaneleyo.
Uthi besekuvamile ukuthi abalimi babengabayanga lanxa befuyile ngoba bengazi ukuthi bangenza njani ukuthi lezizifuyo zibaphilise hatshi ukuthi bahlale bezibuka nje.
Induna emangweni weLupane uMabhikwa, ithi iyemukela imizamo yonke yokuvuselela ukufuywa kwenkomo ngoba abantu bakulindawo bangeke baphile ngokulima kuphela ngenxa yendawo abahlala kiyo elungele izifuyo kakhulu.
Uthi isiqinti sakhe siswela kakhulu ukuphathiswa ukulungisa amadamu lendawo zamanzi okunatha ngoba lanxa izulu line kuhle lonyaka, amadamu agcwele itshebetshebe lodwa okutsho ukuthi kungatshisa ebusika ayaphanga atshe.
Isakhamuzi seNkayi, uMnumzana Johane Mkhwananzi, uthi bavele kusukela kudala baphila ngenkomo ngoba umuzi waziwa ngesibaya sawo kodwa kulezi insuku izibaya zikhala ibhungayezi ngenxa yendlala eyayikhona.Uthi bakhangelele ukuthi uhlelo lolu lubavuselele njalo bathole ulwazi ngendlela ezintsha zokufuya ezizenza inkomo zidlane uboya njengakudala.
Imali le ezasetshenziswa kuziqinti lezi yiFAO ivela kunhlanganiso yomanyano wamazwe aweEurope, iEuropean Union.
I$9.1 million le ikhangelelwe ukuphathisa abalimi abakuziqinti lezi ukwengeza inani lenkomo zabo, ukulungisa amadibha, ukwengeza inani lendawo zamanzi okunatha kanye lendawo zokugcina inkomo ezimelele ukuyathengiswa.
Imali le iza ngesikhathi ilizwe lidinga ukuvuselela ukufuywa kwenkomo obesekwehlile kulandela uhlelo lokwabiwa kutsha komhlabathi kanye lendlala ebekhona kuminyaka esanda kudlula.
NgoMpalakazi nyakenye iFAO yethula isikhwama esifanayo ukuphathisa abafuya inkomo esigabeni seMatabeleland South.
Ingcitshi kwezokufuya inkomo kunhlanganiso le, uMnumzana Burzil Mugweni, ithi isikhwama lesi sijonge ukuphathisa abalimi abadinga ukukhula ukuze abantu bakulumango benelise ukuphila ngezifuyo zabo njalo bathole ukudla okwaneleyo.
Uthi besekuvamile ukuthi abalimi babengabayanga lanxa befuyile ngoba bengazi ukuthi bangenza njani ukuthi lezizifuyo zibaphilise hatshi ukuthi bahlale bezibuka nje.
Induna emangweni weLupane uMabhikwa, ithi iyemukela imizamo yonke yokuvuselela ukufuywa kwenkomo ngoba abantu bakulindawo bangeke baphile ngokulima kuphela ngenxa yendawo abahlala kiyo elungele izifuyo kakhulu.
Uthi isiqinti sakhe siswela kakhulu ukuphathiswa ukulungisa amadamu lendawo zamanzi okunatha ngoba lanxa izulu line kuhle lonyaka, amadamu agcwele itshebetshebe lodwa okutsho ukuthi kungatshisa ebusika ayaphanga atshe.
Isakhamuzi seNkayi, uMnumzana Johane Mkhwananzi, uthi bavele kusukela kudala baphila ngenkomo ngoba umuzi waziwa ngesibaya sawo kodwa kulezi insuku izibaya zikhala ibhungayezi ngenxa yendlala eyayikhona.Uthi bakhangelele ukuthi uhlelo lolu lubavuselele njalo bathole ulwazi ngendlela ezintsha zokufuya ezizenza inkomo zidlane uboya njengakudala.
Imali le ezasetshenziswa kuziqinti lezi yiFAO ivela kunhlanganiso yomanyano wamazwe aweEurope, iEuropean Union.