Isigaba sakoBulawayo lezinye ezeMatabeleland zikhanya sezizaqunywa ngoba bebalutshwana abantu ababhalisela ukuvota.
Phansi kwesisekelo sombuso isigaba se-constituency simele sibe labantu abedlula inkulungwane ezingamtshumi amabili lanhlanu, 25 000.
Nxa bephansi kwalelinani siyaxhunyaniswa lesingumakhelwane ukuze sifinyelele inani elifunakalayo.
Ngokwenzakala ezigabeni zeMaNdebeleni ngalesi sikathi somkhankaso wekhomisheni yeZEC, owokulanda uzulu ukuze abhalisele ukuvota, kukhanya kuzakuba lezigaba ezilutshwana ngoba bebalutshwana ababhalisayo.
Izolo ngosuku lwesithathu lwaloluhlelo bekungelabantu ababhalisayo.
Owake wamela isigaba seNkayi South edale lephalamende, uMnu. Abednico Bhebhe uthi abantu kumele bayebhalisa ngobunengi ngoba ukungavoti kufana lokuvotela ibandla elibusayo.
Kusenjalo, umkhokheli wenhlanganiso esebenza lozulu wemaphandleni, iRural Communities Empowerment Trust, uMnu Vumani Ndlovu, uthi balutshwana ababhalisayo lasemakhaya ngoba abantu abalalwayo lwaneleyo.