amalinks wokungena

Breaking News

I-MDC Alliance Ikhweza Isicelo Sokuthi Imisakazo Ezimeleyo Ibelemvumo Yokusakaza eConstitutional Court Hatshi iZBC Kuphela


VaNelson Chamisa naVaEmmerson Mnangagwa

IMDC Alliance ithi ayisuthisekanga ngokuthi i-ZBC kube yiyo yodwa ethapha udaba lokuthethwa kwempumela yokhetho ngoLwesithathu, ngakho ihle yaphuthuma ngoMgqibelo yakhweza isicelo sokuthi kuvunyelwe lentathelizindaba ezizimeleyo ukuthi lazo zisakaze.

Umanyano weMDC Alliance uthi ugatsha lwe Judicial Service Commission luvumile isicelo sawo sokuthi udaba lokuphikisa impumela yokhetho abalukhweza emthethwandaba oluzathethwa eConstitutional Court ngoLwesithathu kuviki ezayo lutshengiswe umhlaba, kodwa imvumo le iphiwe umsakazo weZBC kuphela njalo ezinye intathelizindaba leminye imisakazo zizathapha kuwo.

I-MDC Alliance ithi kwabalokuqilibezela kukhetho njalo nguMnu. Chamisa owanqoba umkhokheli webandla leZANU PF umongameli Emmerson Mnangagwa.

Lokhu kwenzakala inhlanganiso elwela amalungelo entathelizindaba eyeMISA Zimbabwe ikhweze isicelo esifanayo emthethwandaba.

UMnu. Nkululeko Sibanda, isikhulumeli somkhokheli we MDC Alliance, uMnu. Nelson Chamisa uthi abasuthisekanga ngokuthi i-ZBC kube yiyo yodwa ethapha loludaba, ngakho bahle baphuthuma bakhweza udaba lokuthi bafuna kuvunyelwe lentathelizindaba ezizimeleyo ukuthi lazo zisakaze loludaba.

please wait

No media source currently available

0:00 0:03:25 0:00

Facebook Forum

XS
SM
MD
LG