amalinks wokungena

Breaking News

I-MDC-T Isiyedlulisele Kuviki Ezayo Umhlangano weExtra-Ordinary Congress


UNkosazana Thokozani Khupe

Lanxa amalunga alelibandla ancintisayo abebonakala evumelana ngokudlulisela umhlangano lo phambili, ukufuna izikhundla sokubangele ukuthi kungabi lokuzwisisana njalo ezinye ingcwethi ezicubungula ezombusazwe zithi lokhu yikho osokumise ukuqhubekela phambili kwe Extra-Ordinary Congress.

Ibandla leMDC-T elikhokhelwa nguNkosazana Thokozani Khupe lithi seledlulisele umhlangano walo owokukhetha umholi omutsha, owe extra ordinary congress obukhangelelwe ukuqhutshwa ngoMgqibelo; kumhlaka 27 kuviki ezayo.

Amalunga e-MDC-T abelindele ukuvota endaweni ezehlukeneyo zelizwe awasenelisanga ukwenza lokho ngoba i-National Standing Committee yalelibandla ibe lomhlangano wesiphangi phangi owokulungisa udaba lokhetho.

Amalunga alelibandla abekulumhlangano azancintisa kukhetho lokudinga umkhokheli walelibandla abalisa uMnu Morgan Komichi, uMnu Elias Mudzuri,uMnu Douglas Mwonzora lo Nkosazana Khupe.

Ekhuluma emhlanganweni lentatheli zindaba uNkosazana Khupe uthe ibandla leli selilungisisa ingxaki ebezisenqabela lumhlangano.

“Sihlangene lapha njenge Standing committee namhlanje, silo Deputy Chairperson ubaba uKomichi, deputy Chair ubaba uMudzuri, silo Senator u Douglas Mwonzora, silo Treasure General ubaba uChief Ndlovu, Gift Chimanikire, uMashakada uShaky Mukoyi ubaba uMutseka, silungisa udaba lwe congress yebo kube lempazamiso kodwa siyaqhubekela phambili”

Ulandule imbiko ethi kulokulwisana phakathi kwebandla lakhe ngaloludaba.

Ilunga le MDC-T uMnu Den Moyo obesemhlanganweni lo uthe njengebandla bayathokoza ngesinqumo sokuba icongress iqhubekele phalambili kuviki ezayo.

Umhlangano we Extra Ordinary Congress uza ngemva kwesinqumo sedale laphezulu eleSupreme court esokuba ibandla leli liwuqhube njalo lathi ukukhethwa kuka Mnu Nelson Chamisa ukuba athathe isikhundla sikamuyi uMnu. Morgan Tsvangirai ibandla leli lisabambene kwakungekho emthethweni.

UMnu. Chamisa wala ukuba alandele isinqumo lesi esithi ibandla le ZANU PF yilo elifuna ukuba ibandla lakhe libe lokulwisana.

Lanxa amalunga alelibandla ancintisayo abebonakala evumelana ngokudlulisela umhlangano lo phambili, ukufuna izikhundla sokubangele ukuthi kungabi lokuzwisisana njalo ezinye ingcwethi ezicubungula ezombusazwe zithi lokhu yikho osokumise ukuqhubekela phambili kwe Extra-Ordinary Congress.

please wait

No media source currently available

0:00 0:03:32 0:00


Facebook Forum

XS
SM
MD
LG