amalinks wokungena

Breaking News

I-Mo Ibrahim Foundation Ithi Sokube Lentuthuko Kumbuso weZanu PF, Kodwa iMDC Alliance Iyakwala Lokhu


Zimbabwe Protests

Lanxa inengi likhala ngokuthi umbuso weZanu PF mubi njalo uloncindezelo, inhlanganiso ehlaziya inhlalakale kazulu kanye lokubuswa kwamazwe aseAfrica, iMo Ibrahim Foundation, ithi kube lentuthuko enhle kakhulu kundlela eleZimbabwe elibuswa ngayo phakathi kweminyaka elitshumi edluleyo.

Kugwalo esanda kulwethula, inhlanganiso le ithe eleZimbabwe lenza kuhle njalo kunhlelo zokuthuthukisa uzulu kwezenotho lokulwisana lenkohlakalo.

IMo Ibrahim Foundation ithi phakathi kwamazwe asezansi yeAfrica, eleZimbabwe, eleAngola leleSwaziland yiwo wodwa amazwe abe lentuthuko ekulondolozweni komthetho (rule of law) eminyakeni elitshumi edluleyo.

Yengeze yathi eleZimbabwe yilo elehlule wonke amazwe aseAfrica kunhlelo zokuthuthikisa uzulu wemaphandleni.

Kodwa inhlanganiso le ithi eleZimbabwe liyasilela kakhulu kundaba zokuhlonipha amalungelo oluntu lokuvumela abezombusazwe labamaphephandaba ukuthi basebenze bekhululekile.

Ilunga leZanu PF uMnu Believe Gaule uthi uvumelana lokunengi okukhulunywa yilinhlanganiso. Kodwa uthi uhulumende kaMongameli Emmerson Mnangagwa uyawahlnipha amalungelo ngokugcweleyo.

please wait

No media source currently available

0:00 0:01:30 0:00

Khepha umsekeli wesikhulumeli seMDC Alliance uMnu Felix Magalela Mafa Sibanda utshele iStudio 7 ukuthi akulambuso olungileyo eZimbabwe ngoba abantu bayahlukuluzwa mahlayana nguhulumende weZanu PF.

please wait

No media source currently available

0:00 0:01:30 0:00

Facebook Forum

XS
SM
MD
LG