amalinks wokungena

Breaking News

I-RBZ Yethula Amabizo Amankampani Atshaphaza Imali Yakwamanye Amazwe


John Mangudya

Ibhanga elikhulu lelizwe eleReserve Bank of Zimbabwe (BRZ) ngoLwesibili lethule uluhlu lwamabizo amankampani alitshumi lasitshiyangalombili, 18, elithi asebenzise butshapha imali yakwamanye amazwe ayithole kulelibhanga phansi kohlelo lukahulumende olweForeign Currency Exchange Auction System.

Ngokunjalo, ibhanga leli lithi lizawajezisa lawamankampani, wona abalisa iNational Foods (Pvt) Ltd, Georgia Petroleum, Tettola Investments, Africa Steel, Westville Investments, Flicknick Enterprises, Duo Valley Commodity Brokers, Faircclot Investments, Glenulas Trading leNatural Stone Export Company.

Amanye njalo abalisa iNuvert Trading, Phirebrook Investments, Classic Energy, Clorex Energy, Explochem, Mutare Mart, Souzrce Fuels kanye le Kimya Investments.

Kumbiko awethule ngoLwesibili, usibalukhulu weRBZ uMnu John Mangudya uthe amankampani lawa ephula umthetho weStatutory Instrument 127, wona olawula ukuthi imali yakwamanye amazwe ayitholayo emkambo kahulumende kumele isebenze njani.

Umthetho lo uthi abayabe betholakale besebenzisa imali le ngendlela engayisiyo njengamankampani lawa bazajeziswa ngokubhadaliswa imali engena kusigidi, Z$1 million kuthi amabhanga azatholakala lawo esephula umthetho azahlawulisa iZ$5 million.

Lumsakazo uxhumane lomkhokheli wenye yalawamankampani eyeNational Foods (Pvt) Ltd, uMnu Mike Lashbrooke, yena othe akanelisi ukukhuluma ngalolodaba okwamanje.

Unobhala jikelele wenhlanganiso yezisebenzi eyeZimbabwe Congress of Trade Unions (ZCTU) uMnu Japhet Moyo utshele iStudio 7 ukuthi akubamangalisi bona njengoba bebehlezi bekhuluma ukuthi abamabhizimusi kabaqhubi kuhle imisebenzi yabo.

please wait

No media source currently available

0:00 0:03:00 0:00

Facebook Forum

XS
SM
MD
LG