amalinks wokungena

Breaking News

I-AU Isungula Umkhankaso Wokulwisana Lenkohlakalo


Abakhokheli bamazwe eAfrica abagoqela uMongameli Emmerson Mnangagwa basungule umkhankaso wokulwisana lenkohlakalo emhlanganweni weAfrican Union kweleEthiopia ngoMvulo.

Indikimba yomkhankaso lo ithi “Ukunqoba Inkohlakalo Yikuphumelela kweAfrica.”

Abakhokheli laba bathe bazimisele ukulwisana lokungethembeki ikakhulu kubohulumende babo.

UMongameli wakweleNigeria uMnu Muhammadu Buhari utshayelwe ihlombe ngosowabo ngokulwisana le-corruption elizweni lakhe.

EZimbabwe khona uMnangagwa uthi uhulumende seqalisile ukulwisana lobuhuquluzi ngokubopha abantu abanengi ababeyizicukuthwane kuhulumende kaMugabe.

Ingcwethi ecubungula ezombusazwe uDr. Brilliant Mhlanga uthi kubalulekile mpela ukuthi amazwe eAfrica alwisane lenkohlakalo.

Kodwa uthi eZimbabwe awusoze uphumelele lumkhankaso ngoba amapholisa abopha izitha zikaMnangagwa kuphela ezazingamalunga ecele leG40.

please wait

No media source currently available

0:00 0:02:08 0:00
XS
SM
MD
LG