amalinks wokungena

Breaking News

Ibandla lePeople’s Democratic Union Lithi Kalisoze Limanyane Lamanye Kukhetho Oluzayo


Umkhokheli webandla lePeople's Democratic Union, uMnu. Christopher Sibindi.
Umkhokheli webandla lePeople's Democratic Union, uMnu. Christopher Sibindi.

Umkhokheli welinye lamabandla aphikisayo ele People’s Democratic Union (PDU), uMnu. Christopher Bengwani Sibindi, uthi akayi kungena kumanyano wamabandla onjenge MDC Alliance le Coalition of Democrats kumbe okunye okufanayo ngenxa yokutha lifuna ukuzimela lodwa kukhetho oluzayo.

Wethule lokhu ngesikhathi kulokuxokozela kumanyano weMDC Alliance ngokungena kwamalunga amabandla akulumanyano ngokhetho oluzayo.

USibindi uthe kunzima kakhulu ukuthi bangene kumanyano wamabandla ngenxa yokuthi amabandla la ayaxokozela okumangalisayo ngesikhathi sokhetho.

Kunsukwana ezedluleyo besekuphuma indaba ebezikhomba ukungezwani phakathi kwamabandla akumanyano we-MDC Alliance, inkokheli sezingani zikhuluma okwehlukeneyo. Kukhanya engani kubangwa abazamela umanyano lo kukhetho oluzakwenziwa ngomnyaka ka2018.

USibindi uthi okudingakalayo ngabantu abakhaliphileyo abazancintisa okuzwayo kukhetho oluzayo hatshi ukubambana kwamaqembu angasoze asuse eleZanu PF embusweni.

Uthi sesedlula isikhathi sokuba umuntu kube ngani uyathengwa ephiwa okuyingcosana ukuthi akhethe inkokheli, sekudinga imfundiso kuzulu, azwisise ukuba kungani kuqakathekile ukuba aphatheke kundaba zokhetho njalo akhethe inkokheli uqobo hatshi ngoba ngeyebandla elithize.

'Kasifuni Ukumanyana Lamanye Amabandla'
please wait

No media source currently available

0:00 0:02:58 0:00

XS
SM
MD
LG