amalinks wokungena

Breaking News

Ibandla leMDC-T Lithi Selizathathela uThokozani Khuphe Amanyathelo


Thokozani Khupe

Ibandla leMDC-T lithi lizethula isinqumo sokuba omunye wabasekeli bakamongameli webandla, uNkosazana Thokozani Khupe othi sexexebuka kulelobandla, athathelwe nyathelo bani.

UKhuphe usola indlela uChamisa athatha ngayo isikhundla sokukhokhela ibandla leMDC-T kulandela ukubhubha kukaMnu. Morgan Tsvangirai owayengumkhokheli selokhu lasungulwa lelibandla.

UKhuphe uthi nguye omele abe ngumkhokheli ngoba nguye owakhethwa emhlnaganweni we congress.

Kodwa uChamisa wakhethwa waqala wakhethwa nguTsvangirai kwasekugcizelela idale le National Council ngemva kwamalanga amabili nje kuphela kufe uTsvangirai. Osaphethe isikhundla sesikhulumeli sabandla le MDC-T, uNkosazana Thabitha Khumalo uthi uKhuphe usephiwe isikhathi eside kakhulu ukuthi akhumisani umlotha lo Chamisa kodwa kwehlula.

"Inational Council yabanika amalanga ayisikhombisa, yangezelela amanye amathathu saphinda saphiwa umsebenzi wokuthi sithume abantu abahloniphekayo esigabeni ukuthi bakhulumisane laye. Kwathiwa futhi lo president uNelson Chamisa akhulumisane laye umama umaKhuphe. Konke lokho sokwenziwe," kutsho uKhumalo.

Uthi osokusele yikuthi bathathu impemela yakho konke lokhu kudale le national council kubonakale ukuthi kuthathwa nyathelo bani.

"Asisakwazi ukuthi bafunani ngoba indaba zakhona sezizinengi kakhulu sezidida ingqondo," kutsho uKhumalo.

please wait

No media source currently available

0:00 0:03:20 0:00

UMnu. Chamisa wanqotshwa nguMnu. Douglas Mwonzora kukhetho lokudinga unobhala jikelele ngesikhathi wonke umuntu ecabangela ukuthi ulosekelo lwabantu abanengi kakhulu. Lokhu, kutsho uMnu. Den Moyo, osekela uNkosazana Thokozani Khuphe kungxoxo esiyeneze laye.

please wait
Embed

No media source currently available

0:00 0:01:47 0:00

"Asikwazi ukuthi ama reason ka judge ngawaphi ayenze ukuthi asekele uchariman webandla phambili komsekeli kamongameli," kutsho uMoyo.

Facebook Forum

XS
SM
MD
LG