Ibandla leZANU PF lithi kunengi osokufezwe nguhulumende okubalisa ukuvuselela inkampani yeZUPCO, ukusungula imisebenzi, inguquko kwezokwethulwa kwembiko, ukuthuthukisa umnotho welizwe, kanye lokuthi imithethwandaba isebenze izimele njengalokho okusanda ukugcizelelwa ngumongameli Emmerson Mnangagwa.
Lokhu kuvezwe nguMnu. Simon Khaya-Moyo, obona ngokwethulwa kwembiko kulelibandla, emhlanganweni lentathelizindaba ngoLwesine eHarare.
UMnu. Simon Khaya Moyo uphinde wakhuthaza abantu ukuthi bayebhalisa njalo bevotele i-ZANU PF, walandula imbiko yokuthi ibandla lakhe liyakhetha abasekeli balo nxa kusabelwa abaswelayo ukudla.
Ukuhlaziya loludaba, sixoxa loMnu. Believe Gaule, Ilunga lebandla leZANU PF, yena onika izizatho zokuthi kungani esekela amazwi kaMnu. Simon Khaya Moyo.