Abahlaziya ezombusazwe bathi ukuhlaselwa komholi weMDC Alliance uMnu Nelson Chamisa labasekeli bebandla lakhe ngabantu abanakanelwa ukuthi ngabeZanu PF kuveza sobala ukuthi kuzakuba lodlakeka olumangalisayo kukhetho luka2023.
UChamisa uthi uhlaselwe ngabasekeli beZanu PF esigabeni seMasvingo laseMutare bemalisa ukungena ezigabeni ekhankasela lolukhetho.
Kuthange iMDC Alliance ithi kulabantu abadubule imota kaChamisa bezama ukumbulala kodwa bamkhutha.
Usikomitshi weZanu PF uMnu Patrick Chinamasa utshele intathelizindaba ngeviki edluleyo ukuthi amalunga eZanu PF ahlasele uChamisa eMasvingo ngoba ubezama ukukhuluma labo bona bengafuni.
Ngakolunye uhlangothi, iziphathamandla zalelibandla ziyakulandula ukuthi yizo ezenza loludlame.
Ukuhlaziya loludaba sixhume ingcwethi kwezombusazwe uMnu Mthulisi Hanana loMnu Simbarashe Nembaware oyintathelizindaba njalo onguye osungula lingxoxo.
