amalinks wokungena

Ibutho leZimbabwe 'Ligombolozela' Idolobho leHarare

  • Gibbs Dube

Amabutho abikwa esegombolozele idolobho leHarare.

Kulezimota zamasotsha ezihlomileyo ezicatshangelwa ukuba zivela enkambeni yeInkomo Barracks eseziseduzane leHarare kulandela okwethulwe ngumkhokheli walo, uGeneral Constantino Chiwenga, othe kabasoze bagoqe izandla Bekele ibandla leZanu PF litshaphazwa ngabakubandla leli abaphikisana lobengumsekeli kamongameli, uMnu. Emmerson Mnangagwa.

Akwaziwa ukuba amasotsha la asekela uMongameli Robert Mugabe kumbe uGeneral Chiwenga othe ibutho lilakho ukuthi lingenele kwezombusazwe nxa kungaqhubekela phambili ukuhlukunyezwa kwalabo abasekela uMnangagwa oxotshwe umsebenzi nguMugabe esithi kathenjwa.

Ababona ngezomvikela kwele Zimbabwe bathe ibutho leli lizilolonga okwenhlalayenza ngakho-ke akula okwenzakala elizweni okwamanje.

Uhlangothi lweMelika olubona ngokudlelana lamanye amazwe olwe State Department luthi lulandela udaba lolu ngokugcweleyo.

Isikhulumeli sohlangothi lolu sithe akukabi lemibiko etshingisa ukuba ibutho lifuna ukuhluthuna umbuso elizweni ngoba okwamanje akulakulwisana ezitaladini njalo lamasotsha kawakafiki phakathi kwedolobho lakoBulawayo.

Abantu abanengi eHarare bathi umumo kawukaguquki edolobheni leli lobanje kulabantu abesaba ukuba ibutho lingahluthuna umbuso kahulumende.

Ukuxokozela lokhu kubangwe yikuxotshwa kukaMnangagwa ofunge esephandle kwelizwe esithi uzaphenduka ukuzejezisa uMugabe. Phezul kwaloko uGeneral Chiwenga uveze sobala ukuba ibutho kalichelesi ngokwenzakala eZimbabwe.

Ukuxotshwa kukaMnangagwa kubikwa ukuba kwenzelwa ukuvulela indlela uNkosikazi Grace Mugabe ukuba abengumsekeli kaMugabe oseleminyaka yokuzalwa engamatshumi ayisitshiyagalolunye lantathu – 93.

UNkosikazi Mugabe usekelwa ngabatsha kubandla leZanu PF.

Facebook Forum

XS
SM
MD
LG