Inkokheli yebutho leMelika ikhangelelwe ukuthi izathakazelela usuku lukazibuse embuthanweni oqoqwe nguMongameli Donald Trump obizwa ngokuthi yiSalute to America.
Umbuthano lo uzakwenzelwa eWashington DC ngoLwesine lapho okuzabukiswa khona imibhobho, indizamtshina lokunye okusetshenziswa libutho.
Kuvame ukuthi kwenziwe umcimbi olabaculi lokunye okutshiyeneyo hatshi ibutho elibukisa izikhali.
Amalunga edale leCongress akubandla lama Democrats athi kawanikwanga amatikiti okuya emcimbini lo njalo kukhangelelwe ukuthi lokhu kuzabiza imali enengi engekho kubudget yelizwe.
Kodwa-ke uTrump lamalunga ebandla lama Republicans bathi kudingwe imali yokwenza umcimbi lo kunhlangothi ezitshiyeneyo zikahulumende.
Ilizwe leMelika lathola uzibuse ngomnyaka ka1776. Abantu abanengi bathakazelela usuku lolu.
Ukuze sihlaziye udaba lolu sisoxe loMnu. Den Moyo, ingcwethi kwezombusazwe othi kuyamangalisa okwenziwa nguhulumende kaTrump ongani ulandela okwenziwa ngohulumende abephula ilungelo likazulu.