Iqembu lenguqu iChicken Inn ithi isahlolisisa ukuthi kuzafunakalani nxa ingangena kumcintiswano wamaqembu awabhuqa amanye emanzweni atshiyeneyo owe African Champions League.
UMnu. Lifa Ncube umgcinisihlalo weqembu leli elithethe inkezo yalonyaka ye Castle Lager Premier League uthi kusaphendlwa indlela yokungena kumcintiswano we champions league.
UNcube uthi uncintiswano wamaqembu enguqu ayenze okufana lelakhe ufuna imali enengi okumangalisayo.
Uthe, “Siyakwazi ukuthi kufuneka imali enengi kakhulu ngakho-ke sizahlala phansi kusasa sihlolisise ukuthi kungabe kufunakala malini ukuthi sidlale lamanye amaqembu kuzwekazi leAfrica.
“Sibona engani singadinga abadlali phose abafika abahlanu ukwenzela ukuthi sincintise sikhuthele lathi.”
IChicken Inn ithathele iDynamos inkezo le ehlonitshwa kakhulu kwezenguqu. Iqembu leDynamos lizama ukuthi lihlale kusibanga sesibili kungalani ye Castle Lager Premier Soccer League lapho elilwisana khona lele FC Platinum.
