amalinks wokungena

Breaking News

CMED: Ingatsha Zikahulumende Azibhadali Izikhwelede


CMED
Uhulumende kanye lekhomishini ebona ngezokhetho eye Zimbabwe Electoral Commission-ZEC, ulesikwelede sezigidi ezedlula ezilitshumi zamadollar kunkampani kahulumende yezimotha eye Central Mechanical and Engineering Department Private Limited-CMED osokubangela ukuthi linkampani yehluleke ukuqhuba umsebenzi wayo ngemfanelo efana lokuthenga izimotha.

Umqondisi we-CMED uMnu Davison Mhaka, utshele ikhomidi yedale lephalamende bona ngokuthwalwa kwezinto labantu ukuthi iZEC ilesikwelede sesigidi lengxenye samadollar esemotha eyazithatha isebenzisa kuRefererendum esilokhe singakabhadalwa.

EleZimbabwe likhangelelwe ukuba lokhetho lumnyaka ungakapheli njalo uhulumende ukhangelelwe ukubuthanisa imali yokuthi lolo khetho luqhutshwe.
Ngaphandle kwesikwelede lesi samafutha ezimotha uhulumende ubikwa elesikwelede sezigidi ezilitshumi lantatu zamadollar yendleko yezimotha ze-CMED azisebenzisayo.

Uhlangothi lwenkampani yeCMED lwezemali lubikwa luhlala lukhala lusithi kalula mali ngakhoke khathesi inkampani le isihlele ukunika kuphela ingatsha zikahulumende izimotha zokusebenzisa ezingahluphiyo ukubhadala.
Ugatsha lwezemithetho, elwezempilakahle kanye lolwezisebenzi zikahulumende yizo ingatsha ezibikwa zibhadala kakuhle, ezingahluphiyo.

I-CMED yinkampani kahulumende ephethe umsebenzi wokuthengela ingatsha zikahulumende imotha, amafutha ezimotha, imitshina yokulungisa imigwaqo kanye lokulungisa lezi zimotha lapho zithe zaba lohlupho.

Kodwake ngenxa yokungabhadali kakuhle kukahulumende izikwelede zale inkampani isisehluleka ukuqhuba umsebenzi wayo ngemfanelo osokuze kuphazamisa lokusebenza kwamalunga edale lephalamende ngoba eswela amafutha ezimotha emagalatshini ayo.

please wait

No media source currently available

0:00 0:03:06 0:00
Lapho esitholakala khona
XS
SM
MD
LG