amalinks wokungena

Breaking News

Idale leConstitutional Court Linquma Ukuba uMnangagwa Unqobe Ngemfanelo Kukhetho Lukamongameli


Justice Luke Malaba

Lokhu yikho okukade kuphikiswa ngumkhokheli womanyano wamabandla aphikisayo owe MDC Alliance, uMnu. Nelson Chamisa edale laphezulu elizweni ele Consitutional Court.

Esethula isinqumo lesi athe basivumelene njengedale labahluleli abathoba munwemnuywe uMalaba uthe uChamisa akazange aveze ubufakazi obeneleyo njalo obuchachileyo bokuthi kwaba lokuqhilibezela kulolu khetho.

UMalaba, othethe imizuzu engamatshumi amathathu lasithupha ukubala isinqumo sakhe uvumile kodwa ukuthi ngabe isicelo sikaChamisa senziwa ngokuphangisa kwakuzanceda ukuthi amabhokisi alamavoti avulwe abalwe kutsha okulapho okwakuzanceda ukuthi kuphume mgceke ukuthi kwaba lokuqhilibezela kulolu khetho loba hatshi.

Ekulahleni isicelo sikaChamisa, uMalaba uthe kuzamele ahlaulele indleko zamagwetha akaMongameli Mnangagwa kanye lawekomishini ebna ngezokhetho eye Zimbabwe Electoral Commission.

UMalaba uthe uzakwethula isinqumo sakhe esigcweleyo ngesikhathi esilandelayo. Kodwa idale ele Constitutional Court livumelene ukuthi lanxa uChamisa ephuze ukungenisa ingwalo zakhe zokuphikisa impumela yokhetho njengedale bakubone kufanele ukuthi bamnike ithuba lokuthi isicelo sakhe samkelwe ngoba kuludaba oluqakathekileyo.

Abe MDC Alliance bebesithi impumela yokhetho lokudinga umongameli olwenziwe mhla ka 30 Ntulikazi lobe lokuqilibezela okwezinga laphezulu njalo lungaphathwanga kuhle ngabekomishini eye Zimbabwe Electoral Commission.

Facebook Forum

XS
SM
MD
LG