Iqembu leCroatia lingobe eleBhilithani nge 2 ka 1 ngoLwesithathu emdlalweni wesigaba sama semi-finals somncintiswano we2018 FIFA World Cup.
ICroatia isizadibana le France ku-final yalonyaka eyomncintiswano wezizwe zomhlaba oqhutshelwa kwele Russia ozafika kumlindi uyacina ngeSonto.
Iqembu le France lifinyelele ku-final ngemva kokunqoba ele Belgium nge 1 ka nya ngoLwesibili ebusuku njalo ele Belgium lele Bhilithani.
Iqembu le Croatia kalizake liphakamise inkezo ye World Cup ikanti-ke ele England layiphakamisa kanye ngomnyaka ka 1966.
Kumidlalo yakudala edlalwe liqembu leBhilithane lele Croatia, iqembu leEngland linqobe kumidlalo emine kuthi ele Croatia lanqobe kumidlalo emibili kusithi owodwa uphele zingutshiki lobhanqa.
Sikhangele umdlalo kakhilikithi: Abalandeli bomdlalo kakhilikithi edolobheni lako Bulawayo bazake bekholise ukubukela imidlalo yezinga laphezulu njengoba iqembu elimela ilizwe emdlalweni kakhilikithi lizadibana lele Pakistan kumidlalo emihlanu eyohlobo lwe One Day International ezaqala ngoLwesihlanu.
Limidlalo izaqhutshelwa enkundleni ye Queens Sports Club njalo izaqala ngoLwesihlanu mhla zilitshumi lantathu kunyanga kaNtulikazi njalo izafika komlindi uyacina mhla zingamatshumi amabili lambili kuyo njalo inyanga kaNtulikazi.
Facebook Forum