Idale lephalamende yeMelika eleCongress, ngoLwesihlanu ligenqule ivoti kamongameli Donald Trump elamandla eye veto, kwezomvikela kumthetho we Defense Bill, njalo leleSenate layenqaba, lanxa lilamalunga amanengi ebandla lakhe elama Republicans. Ngaphambilini, umongameli Trump uke waloba enkundleni yetwitter, esola amalunga ebandla lakhe ngokungavumelani laye.
Lokhu kwenzakala umongameli Trump elokhe esola impumela yokhetho olwedluleyo olokudinga umongameli , lapho uMnu. Joe Biden webandla lamaDemocrats abikwa wanqoba, njalo umelele ukugcotshwa mhlaka 20 kuyanele inyanga.
Kusenjalo, uMnu. Raphael Mthombeni, ohlalai edolobheni le Dallas eTexas uthi kufanele uhulumende weMelika acande kutsha umthetho wokutshiyelana umbuso kanye lokuthi ongafuniyo ukusuka esikhundleni aphathwe njani.
