Idale leHigh Court selikhulule uMnu. Jacob Ngarivhume owavalelwa entilongweni okweminyaka emithathu ngumantshi eHarare kulandela ukutholakala kwakhe elecala lokutshotshozela udlakela ngomnyaka ka2020.
Igqwetha lika Ngarivhume uSikhwicamfundo Lovemore Madhuku uthi idale leHigh Court lithi umantshi uFeresi Chakanyuka wehluleka ukwethula isigwebo esiqondileyo ngoba abatshutshisi kabazange bebone ngeqiniso ukuba nguye owaphanyeka enkundleni yeTwitter umbiko wokutshotshozela udlakela.
Idale leHigh Court lithi akwaziwa ukuba ngubani umnikazi wekhasi leli elisenkundleni yeX, eyayisasizwa ngokuthi yiTwitter.
UNgarivhume ubesehlale entilongweni inyanga eziyisitshiyangalombili - 8.
Akwaziwa ukuba uNgarivhume uzakwenzani esephume entilongweni.
Ukuhlaziya loludaba sixoxe loMfundisi Useni Sibanda umqondisi wenhlanganiso yeZimbabwe Christian Alliance othi kuyajabulisa ukuba uNgarivhume usekhululwe.
Forum