amalinks wokungena

Breaking News

'I-Devolution Kayisoze Ifezwe Phansi Kombuso weZanu PF'


UMnu Moses Mzila Ndlovu ekhuluma ngodaba lombuso wezabelo, idevolution, koBulawayo ngoLwesine

Abezombusazwe labenhlanganiso ezizimeleyo eMatabeleland sebesole uhulumende weZanu PF besithi kafuni ukuvumela umbuso wezabelo (devolution of power) lanxa isisekelo sombuso sicacile kulokhu.

Bekhuluma emhlanganweni obuqoqwe yinhlanganiso yePublic Policy Research Institute of Zimbabwe koBulawayo ngoLwesine, abezombusazwe labenhlanganiso ezizimeleyo laba bavumelene ukuthi ngempela uhulumende kalaso isifiso sokuvumela izabelo ukuthi zizibuse.

Umkhokheli webandla eliphikisayo eleANSA uMnu Moses Mzila Ndlovu uthe lokhu akumangalisi ngoba umphathintambo obona ngezemali uMnu Patrick Chinamasa ukubeke sobala nyakenye ukuthi kabayifuni idevolution.

“Okwakuqala okwenza sikholwe ukuthi idevolution kayisoze iphumelele zinkulumo ezivela kubabusi abaphetheyo okwamanje,” kutsho uMzila.

Uzulu wakoBulawao ophatheke emhlanganweni wokuhlaziya udaba lokuzibusa kwezabelo ngoLwesine
Uzulu wakoBulawao ophatheke emhlanganweni wokuhlaziya udaba lokuzibusa kwezabelo ngoLwesine

Amazwi kaMzila agcizelelwe nguMnu Sam Sipep Nkomo, ongumsekeli kaNkosikazi Joyce Mujuru kubandla leNational People’s Party.

UNkomo wengeze wathi iqiniso yikuthi izicukuthwane zeZanu PF kazifuni izabelo zizibuse ngoba lokhu kuzaphazamisa imizamo yazo yokuhuquluza lokutshontsha inotho yelizwe.

Umqoqi wenhlelo zePublic Policy Research Institute of Zimbabwe uMnu Sidumo Bhebhe yena uthe lanxa uzulu eke waba lethemba lokuthi izinto zizaguquka kulandela ukugenqulwa kukaMnu Robert Mugabe embusweni, kukhanya kungela tshintsho oluba khona.

Isisekelo sombuso esiqale ukusebenza ngo2013 sikubeka sobala ukuthi izabelo zelizwe kumele zizibuse, okuyinto esekelwa nguzulu weZimbabwe.

Facebook Forum

XS
SM
MD
LG