amalinks wokungena

Breaking News

Idolobho leKwekwe SelikuLockdown Kusukela ngoLwesihlanu Ngemva Kokutholakala Komkhakha weCOVID 19 Ovela kweleIndia, Kutsho Uhulumende


Umuthi wokwenqabela iCOVID 19, oweVaccine
Umuthi wokwenqabela iCOVID 19, oweVaccine

Uhulumende useqinise ilockdown edolobheni leKwekwe okwamaviki amabili kusukela ngoLwesihlanu ntambama ngendlela yokwenqabela ukumemetheka kweCOVID 19 kulandela ukutholakala kwegcikwane lomkhakha omutsha weCoronavirus, owe B.1.617 ovela eIndia.

Uhulumende useqinise ilockdown edolobheni leKwekwe okwamaviki amabili kusukela ngoLwesihlanu ntambama ngendlela yokwenqabela ukumemetheka kweCOVID 19 kulandela ukutholakala kwegcikwane lomkhakha omutsha weCoronavirus, owe B.1.617 ovela eIndia kuleyondawo.

Umbiko owethulwe lugatsha olubona ngezempilakahle, abantu abasavunyelwa ukuhambahamba kusukela ngehola lesikhombisa ntambama kusiya kwelesithupha ekuseni.

Amabhawa lalapho okunathelwa khona utshwala kufanele kuvalwe njalo abantu bengabuthani emngcwabeni bedlule amatshumi amathathu.

Phambilini kwalumbikoBekulengxabangxoza ngaloludaba, uhulumende aze alandule ukuthi idolobho leKwekwe selivaliwe.

Kusenjalo, uMnu. Thembelani Dube, isiphathamandla senhlanganiso elwela amalungelo oluntu eyeBulawayo Progressive Residents Association utshele iStudio 7 ukuthi inengi alikabikwazi ngomkhakha lo ovelela kweleIndia kumbe oweSouth Africa ngoba liphatheke ngokuziphandela.

please wait

No media source currently available

0:00 0:02:49 0:00

Kusenjalo, ugatsha olubona ngezempilakahle luthi igcikwane leCoronavirus libulele abantu ababili izolo kuphela, lahlasela abangamatshumi amabili lantathu-23. I-COVID 19 isihlasele abafika phose inkulungwane ezingamatshumi amane 38 635 selokhe yaqhamukayo ngomnyaka odluleyo, yabulala abedlula inkungwane lengxenye yayo 1 585. Asebehlatshwe umjovo wokwenqabela lumkhuhlane sebesedlula inkulungwane ezingamakhulu ayisithupha 615 296.

XS
SM
MD
LG