amalinks wokungena

Breaking News

Ifikisa Iminyaka Engamatshumi Amahlanu iAU


Linhlanganiso ihlezi ibhekane lodubo lokusolwa ngabanengi abathi kayisaphathisi ngalutho, seyaba yindawo yokuyazixoxela kwenkokheli yeAfrica

Umanyano wamazwe awezwekazi le Africa, owe African Union, uthi njengendlela yokuthakazelela iminyaka engamatshumi amahlanu wabunjwayo uzahlonipha izizalwane ze Africa ezigoqela umuyi uMnu. Joshua Nkomo.

Inkokheli zezwakazi le Africa zimanyana lenkokheli zakwamanye amazwe womhlaba esigodlweni salinhlanganiso, i Addis Ababa kwele Ethiopia ngoMgqibelo emkhosini omkhulu wokunanza ukubunjwa kwalinhlanganiso.

Ibunjwa linhlanganiso inhloso kwayikusebenzelana kwamazwe abensundu ukuze azikhulule embusweni wabahuquluzi benotho abagoqela oBhilithani, France, Portugal lamanye. Yabunjwa phansi kwegama lokuthi Organisation of African Union-OAU. Kwathi ngokuthola uzibuse kwelizwe lakucina embusweni wobandlulo lwamabhunu ele South Africa yasiguqulwa igama isisiba yiAfrican Union.

Abanye abazahlonitshwa nguMnu. Herbert Chitepo, owayengumgcinisihlalo webandla leZanu, uMnu. Oliver Tambo wakwele South Africa, uMnu. Kwame Nkurumah wakwele Ghana, uMnu. Haile Salasie wakwele Ethiopia labanye.

Kule iminyaka linhlanganiso isihlezi ibhekane lohlupho lokusolwa ngabanengi abathi kayiphathisi ngalutho. Ingcwethi kwezombusazwe, uMnu. Rejoice Ngwenya ngomunye walaba bantu. UNgwenya usipha imbono yakhe kungxoxo ayenze le Studio 7.

please wait

No media source currently available

0:00 0:02:10 0:00
Lapho esitholakala khona
XS
SM
MD
LG