amalinks wokungena

Breaking News

UChombo Wetheswa Amacala Amanengi Okweba Umhlabathi Kahulumende


Former Cabinet Minister Ignatius Chombo on his way to court Wednesday, February 24, 2021, Harare. (VOA)

Owayengumphathintambo wohlangothi lukahulumende olwezemadolobheni lezabelo, uMnu. Ignatius Chombo, usemiswe emthethwandaba esetheswa icala lokuthi watshaphaza iwofisi yakhe ngokuzinika umhlabathi lokuthengisa amapulazi kahulumende.

UChombo, omiswe phambi kukamantshi eHarare, kuthiwa wazinika umhlabathi eHarare, wathengisa omunye njalo okungekho emthethweni edolobheni lelo waphinda njalo wabela abantu umhlabathi kwezinye indawo esebenzisa isikhwama sakhe sebhanga okuthiwa yiChombo Housing Co-operative eseAgribank.

Kuthiwa wasebenzisa njalo indlela ezifanayo ethengisela abantu umhlabathi esebenzisa amankampani akhe agoqela eyeComverol Enterprise (Pvt) Ltd, Cayford and Cavford (Pvt) leLtd eCarrick Creagh Farm.

Umthethwandaba uthi waphinda watshela iziphathamandla zikahulumende ukuba zilungise ingwalo zeStoneridge Farm ephansi kuka Mnu. Phillip Chiyangwa olenkampani okuthiwa yiPinnacle Holdings.

UChombo, ongabuzwanga ngumantshi uStanford Mambanje ukuba uthini ngodaba lolu, umelwe ngamagqwetha agoqela uSikhwicamfundo Lovemore Madhuku, uMnu. Tungamirai Muganhiri loMnu. Munyaradzi Bwanya. Kasenelisanga ukukhuluma labo kanye loChiyangwa ngodaba lolu.

Facebook Forum

XS
SM
MD
LG