Owayeligqwetha likamongameli Donald Trump, uMnu. Michael Cohen utholakale elecala lokufumbathisa amantombazana ka Trump amabili ngemali yomkhankaso wakhe.
UCohen uthe evuma icala wathi uTrump nguye owamthuma ukuthi asebenzise imali yomkhankaso, okulicala.
Ngesikhathi uCohen egwetshwa owayengumgcinisihlalo womkhankaso ka Trump, uMnu. Paul Manafort laye utholakale elamacala ayithoba minwe mibili awavumileyo abalisa inkohlakalo lokungethembeki.
Yena uTrump uphendule ngokuka Manafort esithi uyamzwela ngoba bamgcona amafutha engulube anagayidlanga kodwa ebuzwa ngokuka Cohen uzivalele owakhe.
UCohen wafumbathisa amantombazana la ukuthi engalokothi avule umlomo ngodaba lokuthi waya ecansini labo ngesikhathi umkakhe uMelania ezithwele. Kusenzakala lokhu uTrump wayekhankasela ukuba ngumongameli okwakungamkhathaza nxa kwakuyaphumela egcekeni.
UManafort usemelele ukugwetshwa okukhangelelwe ukuba yiminyaka edlula amatshumi ayithoba minwe mibili esejele.