amalinks wokungena

Breaking News

Kuthengiswa 3,4Million Kg yeGwayi eZimbabwe

  • Gibbs Dube

Inkampani ebona ngokuthengiswa kwe gwayi eye Tobacco Industry and Marketing Board ithi sokuthengiswe igwayi elesisindo samakilogrammes edlula izigidi ezintathu – 3.4million kilograms - kusukela ngesikhathi kusungulwa lumsebenzi mhlaka 13 ngoNhlolanja.

Inkampani le ithi lokhu kutshengisa ukuthi igwayi eselithengiswe lonyaka lehle ngokwedlula kancane okuyisitshiyangalombili ekhulwini – 8.13%, nxa kuqathaniswa lesikhathi esifanayo nyakenye.

Ithi osomabhizimusi bathenge igwayi leli kusukela kudollar elilodwa kusiya kumadollar phose amahlanu - $4.79 ku kilogramme.

Abalimi bathi bafuna ukuthi igwayi lithengwe ngentengo ephezu kwamadollar amahlanu - $5 kusiya kwayisithupha - $6.

Inkampani le ithi ikhangelele ukuthi lonyaka kuthengiswe igwayi elilesisindo samakilogram edlula izigidi ezilikhulu lamatshumi ayisikhombisa – 170 million kilograms.

Umnu. Themba Dlodlo ingcwethi kwezokulima uthi intengo yegwayi ephansi ikhombisa ukuthi amazwe amanengi kasafuni ukuthi abantu babheme igwayi.

please wait

No media source currently available

0:00 0:02:48 0:00
Lapho esitholakala khona
XS
SM
MD
LG