amalinks wokungena

Breaking News

I-Harare City Ingena kuFinal Yomncintiswano weZone VI Volleyball Club Championships


Umncintiswano weZone VI Volleyball Club Championships

Iqembu le Harare City linqobe ele Kamplits elase South Africa nge 3 ka nya ku semi final yakuqala lapho eliphumelele kuzo zonke izigaba zomdlalo ezintathu.

Kuhlandla lakuqala iqembu le Harare City linqobe nge 25 ka 22, kuthi kuhlandla lesibili linqobe nge 25 ka 13 kwathi kwe lesithathu linqobe nge 28 ka 26. Umdlali weqembu le Harare City Alvina Sibanda uthi bazazama ngamandla abo wonke ukuba bephakamise inkezo isale kwele Zimbabwe.

"Isifiso sethu ngesokuba sinqobe siphakamise inkezo sibe liqembu lakuqala ukuphakamisa linkezo emnyakeni walo wakuqala ukubunjwa".

Ku semi final yesibili kucele labesifazane iqembu le Botswana Defence Forces yilo elidlulele kusigaba esilandelayo ngemva kokunqoba ele VUT elase South Africa nge 3 ka 2.

Lumdlalo ubungatshiphanga njengoba iqembu le BDF linqobe kuhlandla lakuqala nge 25 ka 22 kwathi ihlandla lesibili lithethwe yi VUT enqobe 25 ka 22 ikanti kuhlandla lesithathu iqembu leBDF linqobe nge 25 ka 19 kwasekusithi kwelesine ele BDF linqobe nge 25 ka 23. Iqembu le Kamplits lona lizadibana lele VUT kudingwa iqembu elizaphutsha imidlalo lisendaweni yesithathu.

Ezemidlalo siloJoseph Njanji
please wait

No media source currently available

0:00 0:01:22 0:00

Facebook Forum

XS
SM
MD
LG