amalinks wokungena

Breaking News

I-Highlanders FC Isiphumile Kumncintiswano weChibuku Super Cup


Highlanders Football Club
Highlanders Football Club

Iphupho likamqeqetshi weqembu le Highlanders uMadinda Ndlovu elokuphakamisa isicoco se Chibuku Super Cup alisela kufezeka ngemva kokuba abafana be Bosso betshaywe nge 2 ka nya liqembu eliphethe lesisicoco ele Harare City emdlalweni oqhutshelwe enkundleni ye Rufaro namhla emini.

Iqembu le Harare City lihlohlelwe ngu Wilfred Muvirimi kanye lo William Manondo ngehlandla lakuqala lomdlalo ikanti iqembu le Highlanders lona likhuthe umbekwa kulemizuzu emihlanu umdlalo uqalile.
Umqeqetshi weqembu le Highlanders uMadinda Ndlovu uthi ukuthutha umbekwa yikho okuhle kwaphazamisa abafana bakhe inengi labo okungabadlali abasakhulayo.

Siwubonile sonke umdlalo njalo kusuka kube nzima ukuthi abafana bephakame nxa bengathola ithuba elinjengaleli esilitholileyo behluleke ukulisebenzisa kodwa kukhona engikubonileyo abakwenze kuhle okugoqela ukungalahli imbeleko ngokufelwa.

Komunye umdlalo wenkezo ye Chibuku odlalwe namhlanje iqembu le CAPS United lidlulele kusigaba esilandelayo esomncintiswano ngemva kokunqoba ele Chapungu nge 4 ka 3 ngemva kokutshaywa kwembekwa.
Isikhathi besiphele lawa maqembu engutshiki lobhanqa kungela qembu elenelise ukulitshayela emambuleni.

Ekhuluma lentathelizindaba zemidlalo ekupheleni komdlalo umqeqetshi weqembu le CAPS United uLloyd Chitembwe uthe yena akahambelani lenkulumo eyokuba iqembu lakhe selingaphakamisa linkezo ngemva kokuphuma masinya kwamaqembu aqhuba kuhle kumncintiswano weligi izembamgodi zelitshe le platinum.

Awungeke unqobe ungakadlali uphumelele ku final kodwa sizimisele ukulwisa size sifike emaphethelweni njalo njengeqembu silokuthokoza okukhulu ukufinyelela kulesisigaba somncintiswano.

Imidlalo yesigaba se quarter – final eyenkezo ye Chibuku Super Cup iqhubekela phambili kusasa lapho iqembu le Dynamos elizemukela khona ele Herentals enkundleni ye Rufaro kuthi ele Triangle lizangqikilana lele Nichrut ngase Gibbo.

please wait

No media source currently available

0:00 0:02:01 0:00
XS
SM
MD
LG