BULAWAYO —
Inhlanganiso yenguqu eye Zimbabwe Football Association- ZIFA, isifeze isigaba seSithathu sohlelo lwe FIFA Goal Project njalo ithi okulandelayo yikwakha amahofisi amatsha kanye lendawo ezagcinelwa imbali yomdlalo kanobhutshuzwayo. Inkokheli yenhlanganiso ye ZIFA ithi isilinde imali yokuba bedlulele esigabeni esilandelayo sohlelo lwe Goal Project njengoba sebefeze leso abakade bekuso.
Lokhu kuvezwe ngesikhathi intathelizindaba eziloba ngezemidlalo ezisebenzela phandle kweHarare zisethekela indawo ye ZIFA Village lapho ezihlangane lenkokheli yeZIFA kanye labameli benkampani eqhuba umsebenzi wokwakha lindawo.
Kolunye udaba olumayelana lomdlalo wenguqu iqembu le FC Platinum selivule isikhala semiklomelo emithathu phezu kwengalane yemiklomelo ngemva kwemidlalo yesigaba se Castle Premier Soccer League ebikhona ngempelaviki.
IPlatinum ilemiklomelo elitshumi lambili ngemva kokunqoba kuyo yonke imidlalo emine esiyidlale lonyaka kuthi ngemva kwayo kuleqembu le Highlanders lona eliyale lilokhu lilemiklomelo eyithoba munwe munye ngemva kokudliwa elikwenziwe ngele motor action ngomgqibelo.
Iqembu leDynamos okuyilo eliphethe isicoco seligi ngemva kokunqoba kwalo nyakenye litshiywa ngemiklomelo eyithoba minwe mbili ngele Platinum njengoba selibe ngutshiki lobhanqa kuyo yonke imidlalo esilidlale lonyaka.
Lokhu kuvezwe ngesikhathi intathelizindaba eziloba ngezemidlalo ezisebenzela phandle kweHarare zisethekela indawo ye ZIFA Village lapho ezihlangane lenkokheli yeZIFA kanye labameli benkampani eqhuba umsebenzi wokwakha lindawo.
Kolunye udaba olumayelana lomdlalo wenguqu iqembu le FC Platinum selivule isikhala semiklomelo emithathu phezu kwengalane yemiklomelo ngemva kwemidlalo yesigaba se Castle Premier Soccer League ebikhona ngempelaviki.
IPlatinum ilemiklomelo elitshumi lambili ngemva kokunqoba kuyo yonke imidlalo emine esiyidlale lonyaka kuthi ngemva kwayo kuleqembu le Highlanders lona eliyale lilokhu lilemiklomelo eyithoba munwe munye ngemva kokudliwa elikwenziwe ngele motor action ngomgqibelo.
Iqembu leDynamos okuyilo eliphethe isicoco seligi ngemva kokunqoba kwalo nyakenye litshiywa ngemiklomelo eyithoba minwe mbili ngele Platinum njengoba selibe ngutshiki lobhanqa kuyo yonke imidlalo esilidlale lonyaka.
