amalinks wokungena

Breaking News

Ikhansili Ivalela Izakhamizi Amanzi Isalungisisa Isithitshi eseCriterion Water Treatment Plant


Ikhansili yakoBulawayo ibike ukuba isake ivalele izakhamizi zalelo dolobho amanzi okwensuku ezine ezilandelayo, kusukela ngoMvulo ngesizatho sokulungisa i-injini zempompi esithitshini sokuhlambulula amanzi eseCriterion Water Treatment Plant emizameni yokuthuthukisa izinga lokusebenza kwemitshina empompa amanzi iwasa emizini yabantu.

Isikhulumeli seKhansili yakoBulawayo, uNkosikazi Nesisa Mpofu uchasisa ngohlelo lolu.

"Idolobho lakoBulawayo lilungisa iCriterion Water Treatment Plant lapho esigezisa khona amanzi avela emadamu. Idamu leli lizakuba lomsebenzi omkhulu oqala lamuhla NgoLwesibili sisiyafika Ngomgqibelo.Lokhu kutsho ukuthi asisoze sibelamanzi edolobheni lezindlini ngakho abantu kumele bakhelele amanzi abazawasebenzisa. ''

Umgcinisishlalo wekhomithi ebona ngenhlelo zamanzi kwelakusasa eye Future Water Action Committe, uKhansila kaWard 17 uNkosazana Sikhululekile Moyo uqale ngokuxolisa.

“Okwamanzi siyaxolisa kuZakhamizi silungisa ikusasa kaBulawayo, kukhutshwa amaMotors lamaValves afakwa ngesikhathi sikaSmith sifaka izinto ezintsha njalo luhlelo oluthethe imali enengi sihlangane lebhanga leAfrican Development Bank esitholise amadola emelika afika iziidi ezinamatshumi amathathu lasikhombisa.''

Ukhansila kaWard 26, uMnu Norman Hlabano uthi uhlelo luhamba kuhle njalo ludinga usekelo lukaZulu.

“Uhlelo lolu luhamba kuhle kodwa ludinga ukuthi uZulu ukuba abekezele imizamo ezanywa yikhansili ukuba udubo lokufa kwempompi luphele ."

Isakhamuzi sakoBulawayo, uMnu Albert Ndlovu uthi kuhle okwenziwa yikhansili uma kuzathuthukisa ukutholiswa amanzi edolobheni

“Ngendaba yamanzi le esiphezukwayo yokokuthi kusukela lamuhla amanzi azavalwa kusiyafika NgoMqgibelo kuhle uma kujonge ukuthi sithole amanzi kuhle ngaphandle kulokunye esikufihlelwayo."

Ikhansili yedolobho lakoBulawayo iqhuba uhlelo olulesihloko esithi ‘Bulawayo Water and Sewerage Services Improvement Project’ olisekelwa ngoncedo lwemali evela ebhanga le African Development Bank olujonge ukutholisa uzulu amanzi ahlanzekileyo emizameni yokuthuthukisa ezempilakahle.

Kunyanga ezinhlanu ezilandelayo ikhansili ilakho ukuvala amanzi mahlayana ilungisa impompi zamanzi lezi kuthi esithitshini ssamanzi eseCriterion Water Treatment Plant yikho lapho okulomsebenzi omkhulu kulandela eseMagwegwe Water Works njalo ukuvalwa kwamanzi okwamalanga amabili kuyakhuphuka kuye emalanggeni amahlanu kuze kufike uMgqibelo.

please wait

No media source currently available

0:00 0:03:55 0:00

XS
SM
MD
LG