amalinks wokungena

Breaking News

Ikhansili yakoBulawayo ithi Kuqhubeka Kuhle Ukwakhiwa kweGodini Mall


Egodini mall.

Umabhalane omkhulu wekhansili yakoBulawayo, uMnu.Christopher Dube uthi ukwakhiwa kwendawo yamavinkili eyeGodini Mall kuqhubekela phambili njalo okunengi kuzakuba sobala ngemva kokufungiswa kwamakhansila anqobe kukhetho lwalonyaka.

Umabhalane omkhulu wekhansili yakoBulawayo, uMnu.Christopher Dube uthi ukwakhiwa kwendawo yamavinkili eyeGodini Mall kuqhubekela phambili njalo okunengi kuzakuba sobala ngemva kokufungiswa kwamakhansila anqobe kukhetho lwalonyaka.

“Ukwakhiwa kweGodini sekwaqalisa kulezinye izinto ezenzakala ngasese kulungiselwa ukuba kuqaliswe njalo sesasusa izimota labantu kulungiselelwa ukwakhiwa njengoba bekulokhetho konke obekubambile sekudlule ikhansili isinaqhubeka,” kugcizelela uMnu. Dube.

Wengeze wathi bangene umhlangano lekhomishini ebibambe idolobho bavumelana ukuba amakhansila agcotshwe NgoLwesihlanu kuyonale iviki:

“Izolo besilemhlangano lamakhomishina esivumelane ukuthi sigcobe amakhansila kuthi neviki ezayo kukhethwe uMayor wedolobho.”

UMnu. Ambrose Sibindi umqoqi wenhlelo zenhlanganiso yezakhamizi zako Bulawayo eyeBUPRA, uthi izakhamizi besezimangele ukuthi umsebenzi wokwakhiwa kwe mall uzasungulwa nini.

Abathola itender bathembisa ukuthi bazakwakha kodwa umuntu wonke usemangele ukuthi kuthulisile njalo kwadonsa iminyaka kungacaci, njalo lokhu kubuyisela intuthuko emuva uma abathola itender besehluleka kakuphiwe abanye,” kutsho uMnu. Sibindi.

Umqondisi weTeraccotta inkampani eyathola itender yokwakha eGodini Mall, uMnu. Thulani Moyo uthi abazange bame ukulungiselela ukwakha njalo konke kuqhutshwa ngendlela eyayihleliwe.

please wait

No media source currently available

0:00 0:03:46 0:00

Facebook Forum

XS
SM
MD
LG