amalinks wokungena

Breaking News

Ikhansili YakoBulawayo Ithola Usizo Lohlelo Lokuphathisa Omama Bezithwele Baze Bayebeletha


Uhlelo lweMartenal health oluphathiswa ngabe World Bank

Ikhansili yedolobho lakoBulawayo ithole usizo lwemali yohlelo lokuphathisa omama lapho bezithwele baze bayebeletha. Omama bakhangelelwe ukuhlawula idola elilodwa ukuze bangene kuhlelo lolu, lapho babhalisela ukubeletha babe sebethola usizo lokwelatshwa kungela mbadalo kuze kufike iviki yesithupha ngemva kokuba sebebelethe.

Ekhuluma lentathelizindaba koBulawayo emhlanganweni weGender Links, uMqondisi wezempilakahle kukhansili yedolobho lakoBulawayo uDokotela Edwin Sibanda uthe uhlelo lokunceda omama abazithweleyo kungela mbadalo luyaqala ngenyanga ezayo emakilinika ayisithupha luqhubeke okwenyanga eziyisithupha ezilandelayo.

"Kulohlelo lokuncedisa omama abazithweleyo ukuthi nxa bezobeletha emakilinika akoBulawayo eNkulumane, eNketa, eTshabalala, eMaqhawe. lePelandaba. Omama abahlala kulezondayo kusukela ngoJuly kusiya kuDecember lonyaka bazabe bethenga ivoucher yedola bathole ukuhlolwa baze bayebeletha kumbe ukwelatshwa baze bayebeletha, bathwalwe yiAmbulance kuze kube yiviki yesithupha nemva kokubeletha benahlawulana lutho,''

UDokotela Sibanda wengeze ethi uhlelo lolu luthole izigidi ezithile zamadola eMelika abazayabelana ledolobho leHarare, ebhanga lomhlaba ele World Bank

“Imali le ifika isiidi esisodwa sedola lemelika njalo sizayabelana lekhansili yeHarare lobanje singakabikwazi ukuba thina sizathola malini.''

USibanda uthi limali izanikezwa amakilinika ayiwo azabona ukuthi ingasetshenziswa ngayiphi indlela.

“Phakathi kwamakilinika la athe angena kuloluhlelo bazahlawulwa imali isiya esambeni sabo kusiya ngokuthi kubhalise oMama abazithweleyo abangaki njalo kule imali bazathola lemali yokuthi isibhedlela sabo sihlanzeke njani. Leyo mali bengayithola balakho ukuyisebenza ngendlela elohlonzi abazayikhetha ekuthuthukiseni ukusebenza kwesibhedlela sabo."

UNKosikazi Veronica Ndlovu obelethele ekilinika yeLuveve uthi yena uhlawule amatshumi amathathu amadola.

“Ngibelethe kuhle umntwana oyinkazana njalo siphethwe kuhle omongikazi balapha bayasinakekele. Mina ngenelisa ukuhlawula imali yokubhalisela ukubeletha i$30."

Ibhanga lomhlaba eleWorld Bank, okwamanje lisiza amazwe angamatshumi amahlanu njalo iZimbabwe ngelinye lamazwe la.

Ucwaningo olwenziwa yiWorld Bank luveze ukuba omama abedlula amakhulu ayisifica minwe mibili baphelelwa ngumpefumulo ngelanga lapho bebeletha emhlabeni jikelele, ikakhulu emazweni asezwekazi leAfrica ngakho lolu hlelo ngeminye yemizamo yokwehlisa leli nani. Loluncedo luzasiza ukuphathisa omama abaphuma emulini eziswelayo ukuthi bengacini bebanjwa ngamandla ukubelethela emakhaya kungela abezempilakahle abanganceda nxa sokube lenkinga.

please wait

No media source currently available

0:00 0:05:54 0:00

Facebook Forum

XS
SM
MD
LG