amalinks wokungena

Breaking News

Ikhansili Yako Bulawayo Yethulela Uzulu Indlela Yokubhadala Izikwelede


UMayor wako Bulawayo, uMnu. Solomon Mguni, usemhlanganweni webudget yomnyaka ozayo.
UMayor wako Bulawayo, uMnu. Solomon Mguni, usemhlanganweni webudget yomnyaka ozayo.

Ikhansili yakoBulawayo isixoxisana lezakhamuzi zakoBulawayo ngomthetho omutsha ogoqela ukubhadala izikwelede obizwa ngokuthi yi-Credit Control and Debt Collection. Ikhansili ithi lumthetho uzancedisa ukuba benelise ukuthola imali ngesikhathi esiqondileyo kuzakhamuzi.

Kodwa izakhamuzi kaziwuthakazeleli umthetho lo zisithi ikhansili isanda kukhuphula umthelo wokubutha izibi, owamanzi lokunye ngesilinganiso sokufika phose inkulungwane ekhulwini – 700 percent.

Loba kunjalo iziphathamandla zekhansili zithi umthetho lo uzakwenza kube lula ukuthi abantu babhadale izikwelede abazaziyo ngendlela ebalulekileyo.

“Esihamba ngakho yikuthi sazisane njengezakhamuzi ukuthi ikhansili isilayo icredit policy document esitshelayo ukuthi nxa sengithe ngaba lesikwelede yikwiyini okwenzakalayo ngezikwelede zonezo njalo ikhansili yikwiyini engakwenza ngesikwelede soneso. Njalo laba ebathe bephula imithetho kakhansili benziwani kukhansili.

“Isikhathi esinengi sisebenzela emnyameni, uzwe umuntu esithi sengilesikwelede se-two months, i-interest iyangibulala imali leyana siyi $500. I-interest yakhona yimalini efakwe ngukhansili? Inengi lethu asizwisisi ukuthi kuhambanjani”

Ukhansila Sikhululekile Moyo uthi umthetho wezikwelede lo wenzelwe ukuthuthukisa idolobho lakoBulawayo.

UNkosikazi Sikhangele Zhou, unobhala kukhansili yakoBulawayo, uthi abantu babhadala nzima imithelo yekhansili ngenxa yokugugudeka komnotho ngakho-ke umthetho lo uzabanceda kakhulu.

“Khathesi uhlupho olukhulu ngolwezimali, izakhamuzi azibhadali and sesikusikhathi sokuthi imali yethu iphela amandla nsuku zonke. Izikwelede nxa zihlala isikhathi eside zenza kube nzima ukwenza inhlelo zonke esiyabe sisihlelile njengoBulawayo. Olunye uhlupho ngolwamanzi, siyacela ukuthi izakhamuzi zilondoloze onala amalutshwane.”

Omunye wezakhamuzi zakoBulawayo, uElderman Ephraim Ncube, uthi abantu kabasoze babhadale izikwelede ngoba abanengi kabalamisebenzi.

Kulabanye, abanjengo Mnu. Thembelani Dube abasola umthetho kakhansili besithi kulendawo lapho umthetho oxega khona onjengokuba nxa uvalelwe amanzi akula sikhathi esisobala esifakiweyo esokuvulelwa impompi zamanzi nxa usubhadele isikwelede.

Ikhansili yakoBulawayo ithi ilakho ukuthola imali yezikwelede ngokusebenzisa umthetho lo okuveza sobala kusiqa sokungamatshumi ayisithupha lantathu ukuthi umuntu ulakho ukukhulumisana lekhansili nxa esehluleka ukuhlawula imithelo avumelane lomanisipala indlela yokubhadala izikwelede.

Ikhansili Yako Bulawayo Yethulela Uzulu Umthetho Wokubhadala Izikwelede.
please wait

No media source currently available

0:00 0:04:42 0:00


XS
SM
MD
LG