amalinks wokungena

Breaking News

Ikolitshi leChinhoyi Livimbe Ababalisi Labafundi Abangahlatshwanga Ijekiseni yeCovid-19


Bangladesh Covid Vaccine

Iziphathamandla zeChinhoyi University of Technology ngoMvulo zalise ababalisi labafundi abangakahlatshwa ijekiseni yeCovid-19 ukungena kulelikolitshi.

Umuntu wonke ongenayo ubemele aveze i-card elifakaza ukuthi wahlatshwa.

Isikhulumeli salelikolitshi uMnu Tapera Musekiwa utshele iStudio 7 ukuthi bathethe inyathelo leli ngenjongo yokwenqabela ukumemetheka kwe-coronavirus kulesisikolo.

Abafundi lababalisi bona bakusolile kakhulu lokhu.

Inhlanganiso yezisebenzi, iZCTU, yamangalela amankampani emthethwandaba isithi akulamuntu omele aphoqwe ukuhlatshwa lijekiseni ngoba lokho kungaphandle komthetho.

Lokho kugcizelelwe ngunobhala jikelele walinhlanganiso uMnu Japhet Moyo yena osole kakhulu okwenziwe likolitshi leChinhoyi.

please wait

No media source currently available

0:00 0:03:03 0:00

Kusenjalo, ugatsha lwezempilakahle luthi kubhubhe abantu abalitshumi lanye, 11, ngeCovid-19 eZimbabwe ngeSonto. Kutholakale njalo abangamatshumi ayisikhombisa, 70, belomkhuhlane lo.

Lokhu kukhweze inani lasebebhubhile laya phezu kwenkulungwane ezine ezilamakhulu amane, 4,401.

Asebefunyenwe belomkhuhlane lo bona sebephezu kwenkulungwane ezilikhulu elilamatshumi amabili lane, 124, 437.

Inani lasebehlatshwe ijekiseni yakuqala selifike phezu kwezigidi ezimbili ezilengxenye, 2,530,481 kuthi asebehlatshwe eyesibili sebelanda izigidi ezimbili, 1,606,751.

Facebook Forum

XS
SM
MD
LG