amalinks wokungena

Breaking News

Abantu Bemukela Ngenjabulo Ukutshiya Isikhundla Kuka Mugabe


Abantu bakhipha umfanekiso kaMongameli Robert Mugabe emdulini kulandela ukutshiya kwakhe umsebenzi.

Ilanga lika mhla ka 21 Lwezi lilanga elizakhunjulwa ngabanengi njengosuku lokuthola uzibuse nguzulu wase Zimbabwe kulandela ukutshiya isihlalo sobukhosi okwenziwe nguMnu. Robert Gabriel Mugabe ngemva kweminyaka engamatshumi amathathu lasikhombisa ebusa.

Insuku ezimbalwa ezedlule bezigcwele izehlakalo ezinengi ezibangele ukuthi uMugabe aze atshiye isihlalo.

Amadolobho eHarare lakoBulawayo abe lokutshengisela okukhulu kwaphinda kwaba lemithandazo yokuthi kungabi lokuchitheka kwegazi.

Uzulu kunje ugcwele ukuthokoza ngoba uMugabe ephelelwe ngamandla ngemva kokuhluthunelwa umbuso libutho elimgcine limvalele emzini wakhe okwensuku.

Imbongi yakoBulawayo uDesire Moyo uthe ukhule nzima ngenxa kaMugabe njalo uyajabula kakhulu.

UMnu. Iphithule Maphosa webandla leZapu uthe ukutshiya kuka Mugabe yinto eyamukelwe nguzulu kodwa wagcizelela ukuthi uzulu sekumele akhangele phambili kulungiselwelwe ukhetho oluqondileyo.

Esinye njalo isakhamuzi sakoBulawayo, uMnu. Nkosana Mathema, uthe uMugabe kulungile ahambe ngoba kudala wahlukumeza uzulu.

Isikhulumi seNational Peoples Party, uMnu. David Ndlovu, uthe bagcwele ukuthokoza njengabasakhulayo njalo sebekhangelele ukuba lomongameli omutsha ozakhokhela kahle.

uNkosazana Sanele Moyo uthe kuyajabulisa kakhulu ukuthola uzibuse.

Uzulu elizweni lonke jikelele ubengasawufuni umbuso kaMugabe kodwa ubesehluleka ukuthi amkhiphe ngokhetho ngenxa yokuthi ukhetho lugcwele ubudlwangudlwangu.

Laloba kunjalo abantu emhlubulweni weMatabeleland bajabula bezithiba ngo owayengumsekeli kaMugabe ofuna ukufakwa embusweni libutho esaziwa ngochuku olwedlula oluka Mugabe.

Facebook Forum

XS
SM
MD
LG