amalinks wokungena

Breaking News

Ilizwe leMelika Lichothoza Ukuthunjwa Kwabantu eZimbabwe


UMnu. Brian Nichols loMongameli Emmerson Mnangagwa

Uhulumende wakwele Melika uthi kubi kakhulu ukuthunjwa kwabalwela ilungelo likazulu abanjengo Mnu. Tatenda Mombeyarara othunjwe ngoLwesithathu ngabacatshangelwa ukuthi ngamapholisa ensitha abamtshiye ethe daca egangeni eyephuke unyawo wathelwa ngomhluzi omsubule umzimba.

Isigodlo seMelika eHarare sethule umbiko othi akulunganga ukuthunjwa kwabantu abalwela ilungelo labo ngesikhathi ibandla leMDC elikhokhelwa nguMnu. Nelson Chamisa lilungiselela ukutshengisela emigwaqweni ngoLwesihlanu likhonona ngesimo esibi somnotho eZimbabwe.

Ilizwe leMelika lithi kumele uhulumende kaMongameli Emmerson Mnangagwa achothoze ukuthunjwa kwabantu abafisa ukulungisa konke okubi okwenzakala eZimbabwe.

UNkosazana Thabitha Khumalo, umgcinisihlalo webandla leMDC elikhokhelwa nguChamisa, uthi kwephula inhliziyo ukuthunjwa kwabantu.

UMaKhumalo uthi uhulumende kaMongameli Emmerson Mnangagwa kumele ayekele ukuthumba abantu.

Lokhu kusekelwa nguMnu. Michael Ndiweni, olwela ilungelo likazulu njalo oyingcwethi kwezombusazwe, othi kuyayangisa okwenzakala eZimbabwe.

UMnu. Believe Gaule, okubandla leZanu PF, uthi kuyamangalisa ukuthi uhulumende kaMnangagwa kuthiwa uthumba abantu abasekela ibandla leMDC elifuna ukutshengisela emigwaqweni.

UGaule uthi kulabanye abantu abagangileyo abenza lokhu uhulumende engakwazi.

Uthi uhulumende ukhangele konke okwenzakalayo elizweni njalo ukhuthaza ukuthi abantu bakhulumisana ukwenzela ukulungisa konke okuhlupha uzulu.

Kukhangelelwe ukuthi abantu abanengi bazatshengisela emigwaqweni bekhonona ngesimo esibi somnotho.

Udaba Esilethulelwe NguGibbs Dube
please wait

No media source currently available

0:00 0:06:36 0:00

Facebook Forum

XS
SM
MD
LG