amalinks wokungena

Breaking News

Uzulu Uncoma Okwenziwe Ngabokholo LwesiKhristu Abakhulekele iZimbabwe Ibhekane Lobunzima


Uzulu uthi abamabandla okholo basebenze kakhulu ukuthi kungabi lodlakela eZimbabwe.
Uzulu uthi abamabandla okholo basebenze kakhulu ukuthi kungabi lodlakela eZimbabwe.

Uzulu wedolobheni lako Bulawayo ubonge amabandla ezokholo alokhe ekhulekela ukuthi kube lokuthula eZimbabwe kulandela ingxabanxoza phakathi kwebandla leZanu PF kanye lokuhluthunwa kwentambo zombuso ngabakubutho.

Ekhuluma leStudio 7, omunye wabakhokheli benkonzo, uRev Useni Sibanda, ongumqondisi wenhlanganiso eye Zimbabwe Christian Alliance, uthe bahlanganise amabandla ehlukeneyo ukuze kuthandazelwe ilizwe.

UMnu. Lungile Ndlovu, isakhamuzi sakoBulawayo, uthe ukuthandaza kubambanisa abantu.

Osebenza lenhlanganiso ezizimele zodwa, uMnu. Mthokozisi Ndebele, uthe kuyancomeka kakhulu ukuthi abezokholo benze umsebenzi omuhle kakhulu njalo kumele imthandazo iqhubeke kuthandazelwa inkokheli ezintsha.

UNkosikazi Nkosinesisa Tambo ohlala kulelidolobho uthe ukuthula yinto efunwa ngumuntu wonke elizweni ngakho kuyasiza ukuthi ilizwe lithandaze ndawonye.

Imithandazo yokuthi kube lokuthula elizweni yamukelwe nguzulu elizweni lonke jikelele. Amalunga edale lephalamende lawo aqale ngokuthandazela ilizwe emveni kokuqhuba umhlangano wawo wokususa uMugabe esihlalweni.

please wait

No media source currently available

0:00 0:01:43 0:00

XS
SM
MD
LG