amalinks wokungena

Breaking News

'Imali Yama Tollgates Kaisetshenziswe Ukulungisisa Imigwaqo'


Zimbabwe Toll Gates

Ele Zimbabwe likhuthazwa ukusebenzisa imali eliyitholayo kuma Toll Gates kunye leminye imithelo ukuvuselela lokulungisisa imigwaqo esekusimo esiphathisa intuthuko yelizwe.

Ingcitshi kwezomnotho elilunga lenhlanganiso yeZimbabwe Coalition on Debt and Development ZIMCODD umnumzana Masimba John Manyanya uthi uhulumende we Zimbabwe kumele eqakathekise ukusebenzelana lamabhizimusi ezizalwane zakuleli ezilolwazi olujulileyo ngomsebenzi ezikiwo engakagijimeli ukuzama ukubuthelela imali yezikwelede. Uqhubeke ethi lohlangothi lwemigwaqo olwe ZINARA lumele lwenelise ukulungisisa imigwaqo yelizwe lusebenzisa imali oluyitholayo kumithelo yama toll gate:

Lokhu kulandela imbiko ye ZINARA edale le phalamende yokuthi imali eyithola kuma tollgates akuleli inlutshwana kakhulu okungaphathisi ngalutho ekulungisisweni lokuvuselela kwemigwaqo yakuleli esilesikhathi eside ingalungisiswa.

Ngesikhathi uzulu weZimbabwe esola ukwengezelelwa kwemithelo yama Toll Gates ngokuphindwe kabili ngenyanga ka Ntulikazi lonyaka emizameni kahulumende yokubuthelela imali yokusebenzisa kunhlelo zakhe, uMunyanyi uthi lokhu kuyengezelela intengo yezinto elizweni kuphazamise kulokuphathisa uzulu.

Ocubungula ngezombusazwe umnumzana Masimba Kuchera uthi uhulumende kumele esebenzise ezinye zezimali azitholayo kweminye imithelo engakagijimeli kunyathelo elifana lokwengezelela eyama tollgate. Uthi udubo yikuba uhlangothi lwe ZINARA luthatha isikhathi eside ukulungisisa imigwaqo imali edingakalayo icine isisengezelela ngendlela ecina ibaphica:

I ZINARA ithi idinga izigidi phose ezilikulu lengxenye zama dollar eMelika- $147 million ku bhanga le Development Bank of South Africa yokulungisisa umgwaqo ohlanganisa I Norton le Kadoma okuyinxenye yomsebenzi wokuvuselela umgwaqo omkhulu ovela e Mutare usiya e Plumtree okhangelelwa ukuphela ekupheleni kwawonalo umnyaka.

XS
SM
MD
LG