amalinks wokungena

Breaking News

Abantu Bakhala Ngemali enengi Yedili Lokunanza Ilanga Lokuzalwa kukaMugabe


Izizalwane zeZimbabwe zithi lanxa zingeke zenqabela umongameli welizwe ilungelo lakhe lokunanza ilanga lakhe lokuzalwa, kubaphatha kubi ukuthi kuzasetshenziswa amaqubaquba ezimali ukwenza lokhu, ngesikhathi ilizwe libhekane lenhlupho zokuswela ukudla, inotho yelizwe iqhubeka ibhidlika njalo ibandla elibusayo lijikelana inyoka iphila.

Umongameli Robert Mugabe ukhangelelwe ukunanza ilanga lakhe lokuzalwa ngempelasonto elandelayo, eMasvingo, okukhangelelwe ukuthi idili lakhe libize phose isigidi samadola – i$800 000.

Idili leli liza kulexuku labatsha elithi ilanga lokuzalwa likamongameli umhlaka 21 Nhlolanja lenziwe ilanga lokuphumula abantu bethakazelela konke abenzele khona lokhu waba yinkokheli yalelilizwe.

UNkosikazi Noma Sokhela, isakhamuzi, uthi ukuphathwa kwedili leli kululaza ukuhlupheka kukazulu oswela khona ukudla phakathi kwendlala le esingene yaqothula eZimbabwe. Kodwa, uthi uke wezwa kuthiwa kuzalungiswa imigwaqo eMasvingo okutsho ukuthi engxenye lelidili lizatshiya intuthuko.

Esinye njalo isakhamuzi, uNkosikazi Trymore Mpofu, uthi bona bazwa kuthiwa abantu bathathelwa izimali kuthiwe baphe ukuze kuphathwe lelidili bona bevele bengelalamali yokupha abantwababo ukudla.

Iminyaka yakhe ingabe isimalutshwane eseleyo, kodwa lokhu akutsho ukuthi aqedise imali yonke eseleyo kuthakazelelwa elakhe ilanga lokuzalwa ebantwini abangazake bathole sona isiwiji kumalanga abo okuzalwa.

Ocubungula ukubuswa kwelizwe, uMnumzana Joel Nkomo, uthi ukuswelakala kokudla elizweni, ukuqhubeka ukugugudeka kwenotho yelizwe kanye lokudonselana ebandleni elibusayo kwenza kungazwisiseki ukuthi kungani kuqhubeka kumalungiselelo okuphathwa lelidili. Uthi kamfiseli ukuthi angathakazeleli ilanga lakhe kodwa ukukwenza ngendlela ebaluleke kangaka kungani yikuhleka usulu labo abaswela yona indibilitshi yokuziselela.

Abasakhulayo babikwa bexwayise ukuthi badinge inkulungwane ezingamatshumi amathathu zamadola- $30 000 ukuphathisa kulelidili phezu kwephose isigidi esidingakalayo.

Kukhangelelwe ukuthi kube lekhekhe elilesisindo seminyaka yakhe i92kg, kungakhathalekile ukuthi lapho okuphathwa lelidili, iMasvingo, umangoye uvele ulala eziko.

Ukunanzwa kwelanga lokuzalwa likamongameli Mugabe
please wait

No media source currently available

0:00 0:03:25 0:00
Lapho esitholakala khona

XS
SM
MD
LG