amalinks wokungena

Breaking News

Devine Mhambi Hove: Ngizadiliza iZRP leCIO Nginganqoba Kuketho Oluzayo


'Isimo Sezomnotho Lokunye Okwenzakala eZimbabwe Yikho Okungenze Ngancitisa Ukhetho Lukamongameli'
please wait

No media source currently available

0:00 0:00:47 0:00

'Isimo Sezomnotho Lokunye Okwenzakala eZimbabwe Yikho Okungenze Ngancitisa Ukhetho Lukamongameli'

UMnu. Devine Mhambi Hove, umkhokheli webandla leNational Alliance of Patriotic and Democratic Republicans (NAPDR) oncintisa kukhetho lokudinga umongameli, uthi nxa engakhethwa nguzulu umsebenzi wakuqala azowenza yikudiliza inhlangothi ezinjenge Zimbabwe Republic Police (ZRP), amapholisa ensitha aweCentral Intelligence Organization (CIO) lezinye abumbe ezizimeleeyo ezizosebenza ngendlela efunwa nguzulu.

UMhambi Hove wazalwa ngomnyaka ka1977 eHarare wakhulela koBulawayo. Waqalisa izifundo zakhe eShingayi Primary School emzini weZengeza eChitungwiza wasuka lapho wayakwenza uGrade Two esikolo seVictoria Primary School edolobheni leMasvingo okwakuyisikolo sabamhlophe ngaleso sikhathi.

Kuthe esekusibanga sogwalo lwesine kumfundo yakhe, wasuka-ke waya eNduba Primary School lase Ngubo Primary School. Uthe ngokuphutsha izifundo zakhe zemfundo ephansi waya eHamilton Boys High School lapho aphutsha izifundo ze‘O’ Level. Wqhubekela phambili ngezifundo zakhe eze ‘A’ Level eGifford Boys High School koBulawayo.

UMhambi wathi eqeda izifundo zakhe esikolo lesi waya ekolitshini leBulawayo Technical College laph0 enza khona izifundo ezibizwa ngokuthi yiAccounts.

Lanxa ubesesaba ukuphatheka kwezombusazwe sonke les’isikhathi, uHove uthi kunengi okumfuqileyo ukuba ancintise kukhetho lwalonyaka lokudinga umongameli welizwe.

UHove uthi uzokuba ngumkhokheli hatshi obusayo ngoba ilizwe lidinga umkhokheli onjengaye, ozolalela izikhalazo zikuzulu sikhathi sonke.

UHove ukhuthaza uzulu ukuba akhethe yena lebandla lakhe ngoba kuyilo elizofeza izifiso zikazulu.

Uthi kunengi azakwenza angakhethwa ukuba ngumongameli omutsha welizwe leZimbabwe okugoqela uzavimba ukungethembeki ebantwini.

please wait

No media source currently available

0:00 0:05:36 0:00

Facebook Forum

XS
SM
MD
LG