amalinks wokungena

Breaking News

AbeMDC Alliance Batshengisela eHarare Besola Okwenziwa yiZimbabwe Electoral Commission


Inkulungwane lenkulungwane zabamabandla aphikisayo abakumanyano weMDC Alliance, inengi kungabe MDC-T ekhokhelwa nguMnu. Nelson Chamisa, batshengisele emigwaqweni eHarare ngoLwesithathu besithi ikhomishini yeZimbabwe Electoral Commission (ZEC) kayiqhubi ngemfanelo ukhetho oluzayo.

Abatshengiselayo bahambise ugwalo lokuveza ukuthukuthela emawofisini eZEC besithi bafuna impendulo kungakenziwa ukhetho mhlaka 30 Ntulikazi.

UChamisa, ongumkhokheli njalo womanyano owe MDC Alliance, uthe sebecabange ukubambisana lezinye ingcwethi zakwele Germany ukuhlolisisa isimo sephepha lokuvotela iballot paper.

Uthe bazokwenza konke okusemandleni abo ukuthi lungenziwa ukhetho nxa kungalungiswanga konke abakufunayo.

Abanye abatshengisele eHarare ngoLwesithathu
Abanye abatshengisele eHarare ngoLwesithathu

Omunye wabakade bekhona, uMnu. Pheneus Nhatarikwa, uvumelana lesinqumo esesithethwe yinkokheli yeMDC Alliance yokuba ukhetho lungenziwa nxa abe ZEC bengasalungisanga abakhala ngakho.

Abomanyano weMDC Alliance banikeze abeZEC isikhathi sokuyafika ekupheleni kweviki ezayo ukuba balungisise abakhala ngakho. Nxa kungasalungisiswanga bathi bazobe belala emahofisini abe ZEC kuze kulungisiswe.

Umgcinisihlalo weZEC, uJustice Priscilla Chigumba, ubengekho ukuba emukele ugwalo lwezikhalazo lwabomanyano we MDC Alliance.

Abalandeli be MDC Alliance bafole njalo belandela umgwaqo u Samora Machel belubhekise e Africa Unity Square lapho inkokheli yazise khona ngokuzokwenziwa ngemva kokufola kwalamuhla.

Ingoma, izilogan kunye lenkulumo ebezisethulwa yinkokheli bezigcwele insolo kundlela abe ZEC abaqhuba ngayo umsebenzi, bekhankasela ukususwa kombuso kaMongameli Emmerson Mnangagwa lebandla lakhe le Zanu Pf ngevoti.

please wait

No media source currently available

0:00 0:03:16 0:00

Facebook Forum

XS
SM
MD
LG