amalinks wokungena

Breaking News

IMDC Alliance Ithi Ngamanga Okukhulunywa Ngamasotsha Ukuthi Awakho Emaphandleni


Abakubutho

Abomanyano wamabandla aphikisayo owe MDC Alliance okhokhelwa ngu Mnu Nelson Chamisa baveze ukukhonona kwabo ngokutholakala kwamasotsha emaphandleni phambilini kokhetho.

Ekhuluma emhlanganweni le ntathelizindaba uMnu Welshman Ncube isikhulumeli salumanyano uthi alubaphathi kahle udaba lwamasotsha asemaphandleni kulungiselelwa ukhetho ngakhoke kumele abuyele ezinkambeni ngokuphangisa.

“Kuyasikhuthaza njalo yinto enhle ukuthi amasotsha atsho khonokho ngoba yikho okunqunywe yisisekelo sombuso welizwe ukuthi olomlando wokukhetha uhulumende ngabantu beZimbabwe hatshi amabutho, so nxa besithi bazalandela okulotshwe kuconstitution yeZimbabwe siyakwamukela , siyakuthabela ukuthi bazalandela okutshiwo yeconstitution yinto ehle, esesikumelele yikuthi benze abakukhulumileyo kungabi yinto yomlomo kuphela kube yinto yezenzo zabo ukuthi lokhu esikukhulumileyo sizakwenza, ukuthi sibone ukuthi baqinisile yikuthi bangabi besenza amaexplanation amanengi ukuthi badingani emakhaya kabawakhuphe abuyele kuma barak hayi ukuthi benza iagriculture kumbe ukuthini sithi ababuyele ema barrack”

Kodwa emhlanganweni abawenze lentathezindaba abebutho bakuphikile ukuthi basebenza labandla le ZANU PF bekhuthaza labo ukuthi nxa kulamasotsha ahamba etshaya abantu emaphandleni kawamangalelwe kwabomthetho.

Okhulume emmele abebutho UColonel Overson Mugwisi uthi ibutho alilani lokhetho njalo abazange bathumele amasotsha ukuthi ayekwethusela uzulu ukuthi avotele iZANU PF njengokutsho kwabezindaba.

Kutsho uMugwisi: “Sithi thina abantu abangela qiniso ngathi kumbe abangela themba ngomsebenzi wethu ekusekeleni ukhetho olulokuthula lokuhlanzeka njenge ZDF bengesabi ukuzosibuza imibuzo ukuthi lelothemba kithi babelalo. Nxa kulabanye abebutho abaphatheke kukhetho beyenza lokhu ngaphandle komthetho hayi ukuthi batshelwe zinkokheli zebutho ukuthi benze njalo. Nxa kulabalolwazi lwabebutho abaphatheke kwezombusazwe sithi babuye basixwayise lawo mabutho azojeziswa. Amalunga eZDF abonakala kuma rally kuma vip laku vvip akumelanga libathi baphatheke kwazombusazwe ngoba bayabebesemsebenzini wokubona ukuthi kulokuthula.”

Abebutho bagcizelele ngelokuthi bazahlonipha loba ngubani ozakhethwa ukuthi abe nguMongameli njalo bazavumela amasotsha ukuthi avotele loba ngubani.

UNcube uthe lawa ngamanga njengoba kusaziwa ukuthi bakhona.

Uphinde wathi sebeke bahlangana labo emaphandleni loba ben gazange baxabana labo lapho behlangana labantu.

“Ungabala istatement sabo yikuzama ukucatsha ngomunwe ngoba abaphikisanga ukuthi akhona, bathe akhona amasotsha ayenza ngokwe maguta eze agriculture, akhona amasotsha ancedisa ngalokhu lalokhu, okutsho ukuthi bayavuma ukuthi amasotsha akhona, kodwa asebekuzama yikuthi babelesichasiso esingela cala okuthwa ngesilungu yi innocent explanation kudwa ongabala istatement sabo bayavuma ukuthi amasotsha akhona ebantwini basebezama ukuchasisa ukuthi enzani ebantwini, thina siyakwazi ukuthi isichasiso asilo qiniso abasinikileyo ngoba amasotsha lawayana nxa behamba behlomile siyake sibabone bayake badlule dhuze kwama rally ethu bengakhulumi lomuntu kodwa bethwele izikhali okutshengisa ukuthi nxa abantu bebabona bathi abantu laba bengasilanda ngemva kukhetho, kutsho uNcube.”

Lokhu kusekelwe yisikhulumeli sika Mnu Nelson Chamisa uMnu Nkululeko Sibanda yena uthi ibutho bayalethemba kodwa bazakuzwa ngalo ukuthi liqinisile loba hatshi.

“UPresident Nelson Chamisa uthi yena abantu bebutho kufanele babengabantu abahloniphekayo bangalwisani lozulu ngoba umsebenzi wabo ungowokuthi babone ukuthi ilizwe lilokuthula njalo izifiso zelizwee ziyagcinakala. Udubo esilalo ngolokuthi kwezinye indawo amasotsha atholakala esenza izinto ezinjenga zonezo. Nxa ibutho lisithi abantu laba abafanelanga benzenjalo sekuzaba segcekeni ukuthi uzulu weZimbabwe kuzaze afanele ukuthi nxa engabona abantu abahamba bezithi ngamasotsha behlupha abantu uzulu weZimbabwe kaphangise abanye abantu laba babanjwe bahanjiswe emapholiseni bakhangelwe ngumthetho ngendlela ephezulu ngoba abakwenzayo kuphazamisa ibizo lebutho siyona lukhetho lwakuqala olungela president Mugabe lukhetho oluzaletha inguquko ezalethja ukuphumelela , lolu lukhetho oluqakathekileyo ukwedlula wonke amaelection”

Ibutho kalivunyelwa yisisekelo sombuso welizwe ukungenela kundaba zombusazwe loba ezokhetho kodwa minyaka yonke ngezikhathi zoketho lihlala lisetheswa icala lokusekela ibandla le ZANU PF, kukanti ke lalapho lihluthunela owayengumongameli uMnu. Robert Mugabe umbuso abanye bathi kwakungekho emthethweni okwenza bangakholwa ukuthi lizavumela umuntu makhaza ukuthi abuse anganqoba kukhetho olwenziwa ekupheleni kwayonale inyanga kaNtulikazi.

please wait

No media source currently available

0:00 0:03:34 0:00

Inyathelo lamasotsha ukuthi abe lomhlangano lentathelizindaba efuna ukwazisa uzulu ukuthi awangeneli kwezombusazwe selidale imbuzo ngamasotsha wona awazakala ngokuphathisa ekususeni uMnu. Robert Mugabe esihlalweni. Ukuhlaziya loludaba uChris Gande weStudio Seven uxoxe lowake walwa impi yenkululeko, uMnu. Max Mkandla.

please wait

No media source currently available

0:00 0:02:21 0:00

Facebook Forum

XS
SM
MD
LG