amalinks wokungena

Breaking News

I-MDC-T kaMakhupe Yethula iManifesto Yayo koBulawayo


Ibandla leMDC-T elikhokhelwa nguNkosazana Thokozani Khupe lizakwethula ugwalo lwezithembiso zalo elithi lizazenzela uzulu nxa linganqoba kukhetho (i-manifesto) ngoMgqibelo koBulawayo.

Lelibandla lisanda kwenza umhlangano walo weCongress lapho elakhetha khona uMaKhupe lomsekeli wakhe uMnu Obert Gutu kanye labanye abakhokheli balo.

UGutu utshele iStudio 7 ukuthi imanifesto yabo le ilesihloko sesingisi esithi ‘BEST’, okumelele ukuthi ‘Building an Economy to Support Transformation.

Lanxa ethe okunengi okumunyethwe yilolugwalo bazakuveza ngoMgqibelo, uGutu uthe luphatha kakhulu udaba lwemisebenzi lokuthi bazavuselela njani umnotho welizwe nxa bengangena embusweni.

Amazwi kaGutu agcizelelwe ngumsekeli wesikhulumeli salelibandla uMnu Khaliphani Phugeni.

“UMongameli wethu uNkosikazi Thokozani Khupe uzochaza kusasa ukuthi iprogram yethu yiprogram mpela ejonge ukuthuthukisa ilizwe lakithi,” kuchasise uMnu Phugeni.

UPhugeni ukhuthaze abasekeli bebandla lakhe ukuthi bauye ngobunengi emkhosini wokwethula imanifesto yabo le eBulawayo Amphitheatre, lapho abenzele khona njalo iCongress yabo ngenyanga edluleyo.

please wait

No media source currently available

0:00 0:02:23 0:00

Facebook Forum

XS
SM
MD
LG