amalinks wokungena

Breaking News

Imfa kaRoy 'Pachedu' Bennet Yamukelwa Ngendlela Etshiyeneyo


Umuyi uRoy Bennett loNkosikazi Wakhe uHeather ababhubhe engozini yendizamtshina

Ezinye izizalwane zeZimbabwe sezikhiphe imbono ehlukeneyo kulandela ukubhubha kukaMnu. Roy Bennet owayengumgcin'isikhwama webandla leMovement for Democratic Change ekhokhelwa nguMnu. Morgan Tsvangirai.

UBennet ubhubhe engozini yendizamtshina yohlobo lwe helicopter edolobheni le New Mexico kwele Melika ngoLwesine.

Imbiko yokubhubha kwakhe iqale ukuzwakala ebulenjini bokuzilibazisa obeFacebook leTwitter ngoLwesine ntambama.

Owayengumphathintambo wezemfundo, uMnu. David Coltart, ubhale enkundleni yeTwitter esithi udabukile kakhulu ngokubhubha kukaBennet.

Omunye wabasekeli bakamongameli we MDCT, uMnu. Nelson Chamisa, laye uthe uBennet ngomunye wezizalwane zeZimbabwe obekade ezimisele empini yokulwela amalungelo oluntu kanye lokuthi ilizwe likhululeke ngemfanelo.

Abaxoxe le VOA Studio 7 bathe ukubhubha komuntu yikulahlekelwa kwabantu bonke.

Ohlaziya ezombangazwe, uMnu. Bongani Nyathi, uthe uBennet ubeyindoda ekhutheleyo elesibindi obezimisele ukulwela ukukhululwa kweZimbabwe.

Uthe ngumuntu obengabandlululi abantu ngombala wabo.

Olwela amalungelo oluntu, uMnu. Mbuso Fuzwayo, uthe kulusizi ukuthi uBennet ngemva kokulwa kangaka elwela inkululeko yelizwe leZimbabwe useze wabhubha engazange abone iZimbabwe ekhululekileyo njalo esesiyabhubha esemazweni akhatshana

Isakhamuzi sakoBulawayo, uMnu. Herbet Dube, uthe uBennet ngomuye wamalunga ebandla leMDC T osebenze kakhulu ukuthi iMDC-T ilwisane lebandla leZanu PF.

UMnu. Lewis Mhlanga uthe uBennet ubeqakathekile kwezombangazwe ikakhulu ekulwiseni ukuthi ilizwe lingabuswa libandla elilodwa.

Ohlaziya ezombangazwe ebulenjini, uMnu. Alex Magaisa, uthe uBennet ubengumuntu wabantu obethandwa ngabantu akhelane labo eChimanimani esabelweni seManicaland.

UBennet waduma kakhulu aze alelwe ngowayengumongameli uMugabe ukuthi abe lilunga ledale leCabinet kodwa wamethesa icala eliphezulu elokungenqula uhulumende (treason).

Facebook Forum

XS
SM
MD
LG