amalinks wokungena

Breaking News

Abantu Bachothoza Ukugcotshwa Kuka Mohadi loChiwenga


UMnu. Kembo Mohadi ufundiswa ukuba ngumsekeli kamongameli ngoLwesine eState House

Ezinye izakhamisi zakoBulawayo ziyasola kakhulu ukukhethwa kukaMnu. Constantino Chiwenga loMnu. Kembo Mohadi abakhethwe nguMongameli Emmerson Mnangagwa ukuba ngabasebenzi bakhe.

Omunye wabasola lokhu nguMnu. Bakidzanani Dube othi ababili laba bekumele banikwe izikhundla ezihambelana lokwezebutho ngoba yikho abakwazi kahle.

"Ngibona ukugcotshwa kwabo akusoze kuguqule lutho. UChiwenga bebukele ukuthi aphiwe isikhundla esihambelana lezebutho. Sibona engani banengi abazabiselwa ezikhundleni zabo abagoqela ummcinngcebo obekhona ongasoze alethele ilizwe inzuzo.”

Lokhu kusekelwe nguNkosazana Presia Ngulube othi akusoze kuguquke lutho kulandela ukukhethwa kwabantu laba.

"Bagcotshiwe yebo ngoba bebevele bekhona kodwa akulalutho abazalulethela isizwe ngoba bavele behluleka kudala.”

Osakhulayo wakoBulawayo, uNomvula Moyo, uthi ukugcotshwa kwabo akusoke kuguqula lutho.

"Angiboni kusiba lenguquko elizweni indlela abacabanga ngayo ayisiyo esiyifunayo njalo uMnangagwa kacaci ukuthi uMohadi ubevele ekhona kodwa akulalutho abulethele isizwe.”

Lokhu kusekelwe nguSakhile Nkomo laye othi kudingakala igazi elitsha hatshi amakhehla.

"Akulamehluko yikudlaliswa kwesikhathi sesizwe kudingakala igazi elitsha ngendlela asebenze ngayo thina abasakhulayo sizibona sivalelwe phandle.”

Abanye njalo ngabathi uMnangagwa nguye owanqobayo kukhetho lokudinga umongameli ngakho ulelungelo lokuzikhethela inqe ngubani abona engasebenza laye.

please wait

No media source currently available

0:00 0:03:18 0:00

Facebook Forum

XS
SM
MD
LG