amalinks wokungena

Breaking News

Imidlalo yeCastle Lager Premier Soccer League Iqhubekela Phambili Ngempelaviki


Castle Lager PSL

Imidlalo yenguqu ngalimpelaviki iqala ngoMgqibelo lapho iqembu le Mutare City elizadlala khona lele Chapungu enkundleni ye National Sports Stadium ngehola lakuqala emini kuthi ngehola lesithathu iqembu le Black Rhinos lizangqikilana lele ZPC Kariba.
Iqembu le Mutare City lizadlalela esigodlweni ngoba inkundla ye Sakubva esedolobheni lase Mutare yatholakala ukuba kayilungelanga ukuba ingadlalelwa kuyo imidlalo yesigaba se PSL.
Elinye iqembu ebelikusimo esifanayo ele Nichrut lona lizadlalela enkundleni ye Ascot layo engasentshenziswanga kuviki lakuqala lapho lisemukela ele Chicken Inn ngoMgqibelo ngehola lesithathu emini.
Kweminye imidlalo yangoMgqibelo iqembu le Harare City lizadibana lele Bulawayo City enkundleni ye Rufaro kuthi ele FC Platinum lizadlala lele Yadah ngase Mandava.
Imidlalo iyaqhubekela phambili ngeSonto lapho iqembu le Herentals elizemukela khona iqembu le Highlanders enkundleni ye National Sports Stadium.

Umqeqetshi weHighlanders uMadinda Ndlovu
Umqeqetshi weHighlanders uMadinda Ndlovu


Ekhuluma lentatheli phezu kwalumdlalo umqeqetshi weqembu le Highlanders uMadinda Ndlovu uthe okuqakathekileyo yikuthi abafana bakhe bedlale kuhle nje kuphela.
Kweminye imidlalo ezadlalwa ngeSonto iqembu le Triangle lidibana lele Ngezi Platinum ngase Gibbo kuthi ele Dynamos lizangqikilana lele Shabanie Mine ngase Rufaro ikanti ele Bulawayo Chiefs lizadlala lele CAPS United enkundleni ye Luveve okuyiwo wodwa umdlalo we PSL ozaqhutshelwa edolobheni lako Bulawayo kulimpelaviki.
Ngomgqibelo kulomncintiswano wokugijima owe PPC Matopos 33 Miler ozaqhutshelwa edolobheni lako Bulawayo.
Lumncintiswano ulemijaho eminengi njalo oyiwo omkhulu yilowo oqalela phakathi kwe Matopos National Park usiyafika emaphethelweni phakathi kwedolobho lako Bulawayo.
Kukhona njalo owamakhilomitha angamatshumi amabili lanye, owamakhilomitha alitshumi kanye lowamakhilomitha amahlanu.
Lonyaka abaqoqi balumncintiswano bathi badinge ingcwethi ezilemitshina yakulezinsuku eyokuthatha isikhathi abadlali abagijime ngaso okutsho ukuba lumncintiswano usubalelwa kweminye eyezinga laphezulu emhlabeni jikelele.
Abazaqhuba kuhle kulumncintiswano wakusasa balakho ukuyaphatheka kumncintiswano elodumo efana leye Comrades Marathon eqhutshelwa elizweni lase South Africa.

Ezemidlalo siloJoseph Njanji
please wait

No media source currently available

0:00 0:02:41 0:00

Facebook Forum

XS
SM
MD
LG