amalinks wokungena

Breaking News

Imikhuhlane Engathelelanwayo Iyaqonga eZimbabwe


Imikhuhlane engathelelwanwayo enjenge high blood pressure, izinso, itshukela, imvukuzane leminye iyanda eZimbabwe njalo inengi labantu liyehluleka ukuthola usizo lokwelatshwa ngenxa yenhlawulo ephezulu nxa umuntu eselatshwa.

Phezu kwalokho loludubo lubanzima ngamandla ngenxa yokuswelakala kwendawo ezelatshwa ababhekane lemikhuhlane le elizweni, inengi licine libanjwa ngamandla ukuyadinga lolu sizo phandle kwelizwe.

Inengi labaphila lomkhuhlane wezinso bakhala ngokuthi umkhuhlane lo ubathwalise amagabha avuzayo ngoba ulendleko enkulu.

UMnu. Hloniphani Mathiya, obulawa yizinso njalo edinga imali yokuyahlinzwa kwele India, uthi kunje ukudla akudlayo sekwaphungulwa kwaba lokunye angasakudliyo ngenxa yalumkhuhlane.

UMnu. Handsome Sibanda, osebenzela ePlumtree, uqoqa umkhankaso wokuqogelela imali yokuthi baphathise uMnu. Mathiya ngoba imali efunakalayo ukuthi ayehlinzwa iphezulu kakhulu.

UDokotela Derrek Matsika wakoBulawayo uthi ukwelatshwa kwemikhuhlane le kusafuna ukuthuthukiswa ngoba abantu abanengi sebebanjwa ngamandla ukuyadinga usizo lokwelatshwa emazweni anjenge India, South Africa lamanye.

UMnu. Costa Chanaka, isakhamuzi sakoBulawayo, uthi kalalwazi olunengi ngalimkhuhlane loba nje eyake ezwe ngayo okungumbono wabanengi abantu abangakaze bahlangane layo.

Imikhuhlane engahelelwanayo le igoqela izilonda emathunjini, inhlungu zamathambo- iAthritis, izinso, imvukuzane, izifo zenhliziyo, itshukela-idiabetes leminye ehlukeneyo.

please wait

No media source currently available

0:00 0:06:27 0:00

Facebook Forum

XS
SM
MD
LG